SignIn
Kerala Kaumudi Online
Monday, 01 March 2021 12.58 AM IST

വമ്പൻ സ്രാവുകൾക്ക് വലയൊരുങ്ങുന്നു; സരിത്തും സ്വപ്നയും ഇന്ന് രഹസ്യമൊഴി നൽകും

swapna-sarith

കൊച്ചി: സ്വർണക്കടത്തിലും ഡോളർകടത്തിലും വമ്പൻസ്രാവുകൾ ഉണ്ടെന്ന വെളിപ്പെടുത്തലിനു പിന്നാലെ കേസിലെ മുഖ്യപ്രതികളായ സ്വപ്നയുടെയും പി.എസ്. സരിത്തിന്റെയും രഹസ്യമൊഴി രേഖപ്പെടുത്താൻ കസ്റ്റംസ് നൽകിയ അപേക്ഷ എറണാകുളം സി.ജെ.എം കോടതി അനുവദിച്ചു.

രഹസ്യമൊഴി രേഖപ്പെടുത്താൻ എറണാകുളം ജുഡിഷ്യൽ ഫസ്റ്റ് ക്ളാസ് മജിസ്ട്രേട്ട് കോടതി -3 നോടാണ് നിർദേശിച്ചത്. സ്വർണക്കടത്തു കേസിലും ഡോളർകടത്തു കേസിലുമാണ് രഹസ്യമൊഴി രേഖപ്പെടുത്താൻ അനുമതി. ഇന്നലെത്തന്നെ ഇരുവർക്കും കൗൺസലിംഗ് നൽകി. ഇന്നു രാവിലെ പതിനൊന്നു മണിയോടെ രഹസ്യമൊഴി രേഖപ്പെടുത്തും. രഹസ്യമൊഴികൾ മുദ്രവച്ചകവറിൽ അഡി. സി.ജെ.എം കോടതിയിൽ നൽകണം.

സ്വപ്നയെയും സരിത്തിനെയും നവംബർ 27 മുതൽ 29 വരെ ചോദ്യംചെയ്തതിൽ നിന്ന് കസ്റ്റംസിനു ലഭിച്ച നിർണായക വിവരങ്ങൾ കോടതിയിൽ മുദ്രവച്ച കവറിൽ സമർപ്പിച്ചിരുന്നു. തുടർന്ന് കഴിഞ്ഞദിവസം ഇവ പരിശോധിച്ച അഡി. സി.ജെ.എം കോടതി മനഃസാക്ഷിയെ ഞെട്ടിക്കുന്ന വമ്പൻമാരുടെ പേരുകൾ മൊഴിയിലുണ്ടെന്നും പേരുകൾ പുറത്തുവരുന്നത് അന്വേഷണത്തെ ബാധിക്കുമെന്നും അഭിപ്രായപ്പെട്ടിരുന്നു. തുടർന്നാണ് കസ്റ്റംസ് പ്രതികളുടെ രഹസ്യമൊഴി രേഖപ്പെടുത്താൻ അപേക്ഷ നൽകിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GOLD SMUGGLING CASE, SWAPNA SURESH, PS SARITH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.