SignIn
Kerala Kaumudi Online
Wednesday, 03 March 2021 10.53 AM IST

ട്രഷറി ഡയറക്ടർക്കും മൂന്നു പേർക്കും താക്കീത്

treasury

തിരുവനന്തപുരം: ട്രഷറി ഡയറക്ടർ എ.എം. ജാഫറിനെ താക്കീത് ചെയ്യാൻ ധനകാര്യ വകുപ്പ് തീരുമാനിച്ചു. വഞ്ചിയൂർ ട്രഷറി തട്ടിപ്പ് നടത്തിയ അന്വേഷണ സംഘത്തിന്റെ റിപ്പോർട്ടിനെ തുടർന്നാണിത്. ഇത് രണ്ടാം തവണയാണ് ജാഫറിനെ താക്കീത് ചെയ്യുന്നത്. എറണാകുളം ജില്ലാ ട്രഷറിയിലെ ജീവനക്കാരിയെ സ്ഥലംമാറ്രിക്കൊണ്ടുള്ള ഉത്തരവിൽ സ്ത്രീവിരുദ്ധ പരാമർശങ്ങളുണ്ടെന്ന ആരോപണത്തെ തുടർന്നാണ് ആദ്യം താക്കീത് ചെയ്തത്. രണ്ടാമതും താക്കീത് ചെയ്തതോടെ ഇക്കാര്യം അദ്ദേഹത്തിന്റെ സർവീസ് ബുക്കിൽ രേഖപ്പെടുത്തും.


ചീഫ് കോർഡിനേറ്റർ രഘുനാഥൻ ഉണ്ണിത്താൻ, സ്റ്റേറ്റ് കോർഡിനേറ്റർ കെ. മോഹൻ പ്രകാശ്, വഞ്ചിയൂർ അഡീഷണൽ സബ്ട്രഷറിയിലെ സിസ്റ്റം അഡ്മിനിസ്ട്രേറ്റർ എസ്.ജെ. രാജ്മോഹൻ എന്നിവർക്കും താക്കീത് നൽകും. ഇതിൽ നേരിട്ട് ഉത്തരവാദിത്തമില്ലെന്ന ഇവരുടെ വാദം തള്ളിയാണ് ധനകാര്യ അഡീഷണൽ ചീഫ് സെക്രട്ടറിയുടെ ഉത്തരവ്.


വിവരമറിഞ്ഞ ഉടൻ താൻ സർക്കാരിനെയും പൊലീസിനെയും അറിയിച്ചെന്നും ഇക്കാര്യത്തിൽ വീഴ്ച വരുത്തിയില്ലെന്നുമായിരുന്നു കാരണം കാണിക്കൽ നോട്ടീസിന് ട്രഷറി ഡയറക്റ്റർ മറുപടി നൽകിയത്. എന്നാൽ അദ്ദേഹത്തിന്റെ ഭാഗത്തുനിന്ന് മേൽനോട്ട വീഴ്ച ഉണ്ടായതായി കണ്ടെത്തിയാണ് ശിക്ഷാ നടപടി.

വഞ്ചിയൂരിൽ ഈ ക്രമക്കേട് നടക്കുന്നതിന് മാസങ്ങൾക്കുമുമ്പ് ട്രഷറി സോഫ്റ്റ്‌വെയറിലെ വീഴ്ച ചൂണ്ടിക്കാട്ടി കാസർഗോഡ് ജില്ലാ ഓഫീസർ ട്രഷറി ഡയറക്റ്റർക്ക് കത്തയച്ചെങ്കിലും നടപടികളൊന്നും സ്വീകരിച്ചില്ല. ട്രഷറി തട്ടിപ്പിൽ വിജിലൻസ് അന്വേഷണം വേണമെന്ന പൊലീസിന്റെ ശുപാർശയും ധനകാര്യ വകുപ്പ് സ്വീകരിച്ചിട്ടില്ല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: TREASURY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.