SignIn
Kerala Kaumudi Online
Monday, 12 April 2021 9.20 PM IST

രാഷ്ട്രീയ ജീവിതം അവസാനിപ്പിക്കുന്നുവെന്ന് വി കെ ശശികല; ഏവരെയും ഞെട്ടിച്ച തീരുമാനം തിരഞ്ഞെടുപ്പ് അടുത്തിരിക്കെ

v-k-sasikala

ചെന്നൈ: രാഷ്ട്രീയ ജീവിതം ഉപേക്ഷിക്കുന്നതായി ജയിൽ മോചിതയായ മുൻ അണ്ണാ ഡി.എം.കെ നേതാവ് വി.കെ. ശശികല. ഇനി തമിഴ് രാഷ്ട്രീയത്തിലേക്കില്ലെന്നും അണ്ണാ ഡി.എം.കെ പ്രവർത്തകർ ഒരുമിച്ച് നിൽക്കണെമെന്നും ശശികല പുറത്തിറക്കിയ വാർത്താക്കുറിപ്പിൽ പറയുന്നു. തമിഴ്നാട്ടിൽ ഏപ്രിൽ 6ന് തിരഞ്ഞെടുപ്പ് നടക്കാനിരിക്കെ ഏറെ സുപ്രധാനമായ രാഷ്ട്രീയ തീരുമാനമാണ് ശശികല എടുത്തിരിക്കുന്നത്.

തിരഞ്ഞെടുപ്പിൽ ഡി.എം.കെയെ പരാജയപെടുത്തുകയാണ് ലക്ഷ്യം. അണ്ണാ ഡി.എം.കെ ഭരണം തുടരണമെന്നാണ് ജയലളിതയുടെ സ്വപ്നമെന്നും, അത് നിറവേറ്റണമെന്നും പ്രവർത്തകരോട് ശശികല ആവശ്യപ്പെട്ടു. ജയലളിത ജീവിച്ചിരുന്നപ്പോഴും താൻ അധികാരത്തിനായി ആഗ്രഹിച്ചിട്ടില്ല. ജയലളിതയുടെ മരണശേഷവും അതിന് ആഗ്രഹമില്ല. തന്റെ പാർട്ടി ജയിക്കാൻ വേണ്ടി പ്രാർഥിക്കും. ജയലളിതയുടെ പാരമ്പര്യം തമിഴ്നാട്ടിൽ നില നിൽക്കുമെന്നാണ് പ്രതീക്ഷയെന്നും ശശികല കൂട്ടിച്ചേർത്തു.

അന്തരിച്ച മുൻ മുഖ്യമന്ത്രി ജയലളിതയുടെ അടുത്ത അനുയായിരുന്ന ശശികല തിരഞ്ഞെടുപ്പ് അടുത്തിരിക്കെ ഏവരേയും ഞെട്ടിച്ചുകൊണ്ടാണ് പുതിയ പ്രഖ്യാപനം നടത്തിയിരിക്കുന്നത്. അനധികൃത സ്വത്ത് സമ്പാദന കേസിൽ ജയിലിലായിരുന്ന ഇവർ ആഴ്ചകൾക്ക് മുമ്പാണ് ജയിൽ മോചിതയായത്. ഇതിനിടയിൽ അണ്ണാ ഡി.എം.കെയിൽ നിന്ന് ശശികലയെ പുറത്താക്കിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, VK SASIKALA, SASIKALA, DMK, ANNA DMK, JAYALALITHA, THAMIL NADU
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.