SignIn
Kerala Kaumudi Online
Wednesday, 12 May 2021 7.30 AM IST

കൊവിഡ് വാക്സിനെടുത്ത് ആൾകുരങ്ങുകൾ, വാക്സിനെടുക്കുന്ന ലോകത്തെ ആദ്യ മനുഷ്യേതര ജീവി

great-apes

ലോസാഞ്ചൽസ്: സാൻഡിയാഗോ മൃഗശാലയിലെ ഒമ്പത് ആൾക്കുരങ്ങുകൾ കൊവിഡ് 19 പ്രതിരോധ വാക്സിൻ കുത്തിവയ്‌പെടുത്തു. ലോകത്താദ്യമായി വാക്സിൻ സ്വീകരിക്കുന്ന മനുഷ്യേതര ജീവികളാണിവരെന്ന് കാലിഫോർണിയ മൃഗശാല അധികൃതർ അറിയിച്ചു.

നാല് ഒറാങ്ഉട്ടാനുകൾ, അഞ്ച് ബോനോബോസ് ( ഒരു തരം ചിമ്പാൻസികൾ) എന്നിവർക്കാണ് രണ്ട് ഡോസ് വാക്സിൻ കുത്തിവച്ചത്. പ്രമുഖ വെറ്റിനറി ഫാർമസ്യൂട്ടിക്കൽ കമ്പനിയായ സോയിറ്റിസ് മൃഗങ്ങൾക്കായി പ്രത്യേകമായി നിർമ്മിച്ച വാക്സിനാണ് പരീക്ഷണ അടിസ്ഥാനത്തിൽ നല്കിയത്.

കഴിഞ്ഞ ജനുവരിയിൽ മൃഗശാലയിലെ ജീവനക്കാരിൽ നിന്ന് എട്ട് ഗോറില്ലകൾ കൊവിഡ് ബാധിച്ചിരുന്നു. വലിയ കുരങ്ങുകളിലേക്ക് വൈറസ് സ്വാഭാവികമായി പകരുന്ന ആദ്യത്തെ കേസാണിത്. മാസ്ക് അടക്കമുള്ള സംരക്ഷണ കവചങ്ങൾ ഉപയോഗിച്ചിട്ടും രോഗലക്ഷണമില്ലാത്ത ജീവനക്കാരിൽ നിന്ന് ഗൊറില്ലയിലേക്ക് രോഗാണുക്കൾ പടരുകയായിരുന്നുവെന്നാണ് വിവരം.

തുടർന്നാണ് വലിയ ആൾക്കുരങ്ങുകളെ രോഗത്തിൽ നിന്ന് സംരക്ഷിക്കാനായി വാക്സിൻ കുത്തിവയ്ക്കാൻ അനുമതി നല്കിയത്.

പരീക്ഷണ ഡോസ് മികച്ചതാണെന്നും ഇത് ശാസ്ത്രത്തിന്റെ വിജയമാണെന്നും മൃഗശാല അധികൃതർ പ്രതികരിച്ചു.

വാക്സിൻ നല്കിയ ഒറാങ്ഉട്ടാനുകളിൽ, ലോകത്തിലെ ആദ്യത്തെ ഓപ്പൺ ഹാർട്ട് ശസ്ത്രക്രിയയ്ക്ക് വിധേയനായ 'കാരെനും' ഉൾപ്പെടുന്നു.

വാക്സിൻ മുമ്പ് പൂച്ചകളിലും നായ്ക്കളിലും പരീക്ഷിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, NINE GREAT APES AT SAN DIEGO ZOO HAVE BECOME THE FIRST NON HUMAN PRIMATES GIVEN COVID VACCINATIONS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.