SignIn
Kerala Kaumudi Online
Saturday, 08 May 2021 1.09 AM IST

വസ്‌ത്രവ്യാപാരശാലയിൽ 29 ജീവനക്കാർക്ക് കൊവിഡ് സ്ഥിരീകരിച്ചു; അടച്ചുപൂട്ടാൻ ഉത്തരവിട്ട് ജില്ലാ കളക്‌ടർ

cov

പാലക്കാട്: ഭൂരിഭാഗം ജീവനക്കാർക്കും കൊവിഡ് സ്ഥിരീകരിച്ച സാഹചര്യത്തിൽ പാലക്കാട് നഗരത്തിൽ വിക്ടോറിയ കോളേജിന് സമീപമുള്ള സ്വകാര്യ വസ്ത്രവ്യാപാര സ്ഥാപനം അടച്ചിടാൻ ജില്ലാകളക്‌ടർ മൃൺമയി ജോഷി ഉത്തരവിട്ടു. ദുരന്തനിവാരണ നിയമം 2005ലെ വകുപ്പ് 33, 34 (എം) പ്രകാരം ഇന്നലെ മുതൽ ഏഴു ദിവസത്തേക്ക് അടച്ചിടാനാണ് ഉത്തരവ്. ഉത്തരവ് പാലിക്കുന്നുണ്ടെന്ന് ജില്ലാ പൊലീസ് മേധാവി,

നഗരസഭാ സെക്രട്ടറി, നഗരസഭാ വാർഡ് 16 ലെ സെക്ടറൽ മജിസ്‌ട്രേറ്റുമാർ എന്നിവർ ഉറപ്പുവരുത്തണമെന്നും നിർദ്ദേശമുണ്ട്.

ജനത്തിരക്കുണ്ടായ സാഹചര്യത്തിൽ ശാരീരിക അകലം പാലിക്കാതെ പ്രവർത്തിച്ചതിനാൽ സ്ഥാപനത്തിലെ 29 പേർക്ക് രോഗം സ്ഥിരീകരിക്കുകയായിരുന്നു. ഇനിയും കൂടുതൽ പേരിലേക്ക് രോഗബാധ ഉണ്ടാകാൻ സാദ്ധ്യതയുണ്ടെന്ന ഡി.എം.ഒയുടെ റിപ്പോർട്ടിന്റെ അടിസ്ഥാനത്തിലാണ് അടച്ചിടൽ നടപടി.

സ്ഥാപന ഉടമകളും ജീവനക്കാരും ഏപ്രിൽ ആറുമുതൽ സ്ഥാപനം സന്ദർശിച്ചിട്ടുള്ള പൊതുജനങ്ങളും കൊവിഡ് ടെസ്റ്റിനു വിധേയരാകാനും സ്ഥാപനം അണുവിമുക്തമാക്കാനും കളക്‌‌‌ടർ ഉത്തരവിൽ പറയുന്നു. അടച്ചിടൽ കാലാവധിക്ക് ശേഷം തുറന്നു പ്രവർത്തിക്കുന്നതിന് മുമ്പ് അണുവിമുക്തമാക്കിയിട്ടുണ്ടെന്നും ജീവനക്കാരും ഉടമകളും കൊവിഡ് ടെസ്റ്റിന് വിധേയരായിട്ടുണ്ടെന്നും നഗരസഭാ സെക്രട്ടറി ഉറപ്പുവരുത്തണം. ഉത്തരവ് പാലിക്കാത്തപക്ഷം ദുരന്തനിവാരണ നിയമം 2005 വകുപ്പ് 51 (ബി), ഇന്ത്യൻ ശിക്ഷാനിയമം, എപ്പിഡമിക് ഡിസീസ് ആക്ട് 1897, ഭേദഗതി 2005 എന്നിവ പ്രകാരം ശിക്ഷാ നടപടികൾ സ്വീകരിക്കുമെന്നും അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID, PALAKKAD, SHOP, CLOSED SHOP
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.