എന്നെയും അറസ്റ്റ് ചെയ്യൂ : ട്വീറ്റുമായി പ്രകാശ് രാജ്

ബംഗളൂരു: വാക്സിൻ ക്ഷാമത്തിന് കാരണം പ്രധാനമന്ത്രി നരേന്ദ്രമോദിയുടെ നടപടിയാണെന്ന് വിമർശിച്ച്​ പോസ്റ്റർ ഒട്ടിച്ചതിനെ തുടർന്നുണ്ടായ അറസ്റ്റിൽ പ്രതിഷേധിച്ച് നടൻ പ്രകാശ് രാജ്. പോസ്റ്ററിലെ ചോദ്യം താനും ആവർത്തിക്കുന്നതായും, തന്നെയും അറസ്റ്റ് ചെയ്യണമെന്നും ആവശ്യപ്പെട്ടാണ് നടന്റെ ട്വീറ്റ്.

ഡൽഹിയിൽ രണ്ടു ദിവസം മുമ്പ് 'മോദിജി, നമ്മുടെ കുട്ടികൾക്കുള്ള വാക്​സിൻ ​എന്തിന്​ വിദേശരാജ്യങ്ങൾക്ക്​ അയച്ചുകൊടുത്തു​?' എന്നെഴുതിയ​ പോസ്റ്ററുകൾ പ്രത്യക്ഷപ്പെട്ടിരുന്നു. തുടർന്നാണ് അറസ്റ്റ് നടന്നത്. ഈ ചോദ്യം ട്വിറ്ററിൽ ട്രെൻഡിംഗായിരിക്കുകയാണ്. പോസ്റ്റർ പതിച്ചവരെ അറസ്റ്റ്​ ചെയ്​ത സംഭവത്തിൽ പ്രതിഷേധവുമായി കോൺഗ്രസ്​ നേതാവ്​ രാഹുൽ ഗാന്ധിയടക്കമുള്ള പ്രതിപക്ഷ നേതാക്കളും സാമൂഹിക പ്രവർത്തകരും രംഗത്തെത്തിയിരുന്നു.