ബൊമ്മെ മന്ത്രിസഭയിൽ നാല് മന്ത്രിമാർ സത്യപ്രതിജ്ഞ ചെയ്യും

ബംഗളൂരു: കർണാടകയിലെ ബസവരാജ്​ ബൊമ്മെ മന്ത്രിസഭയിൽ പുതിയ മന്ത്രിമാർ നാലിന്​ സത്യപ്രതിജ്ഞ ചെയ്യും. യെദിയൂരപ്പ മന്ത്രിസഭയിലെ അംഗങ്ങളും പുതിയ മന്ത്രിമാരും ഉൾപ്പെടെ ഏഴുപേരാണ്​ ബുധനാഴ്ച സത്യപ്രതിജ്ഞചെയ്യുക. ബി​.ജെ.പി കേന്ദ്രനേതൃത്വത്തിന്‍റെ അനുമതി ലഭിച്ചാൽ അടുത്തയാഴ്ച തന്നെ 20 അംഗ മന്ത്രിസഭയായി വിപുലപ്പെടുത്തും.

മന്ത്രിസഭ വിപുലീകരണത്തിന്‍റെ ഭാഗമായി ബൊമ്മെ ഇന്ന് ഡൽഹിയിൽ എത്തുമെന്നാണ് വിവരം. മന്ത്രിമാരെ തീരുമാനിക്കുന്നത്​ സംബന്ധിച്ച്​ യാതൊരു പട്ടികയും ​തന്റെ പക്കൽ ഇല്ലെന്നും കേ​ന്ദ്ര നേതൃത്വമാണ്​ അവ തീരുമാനിക്കുകയെന്നും ബൊമ്മൈ പറഞ്ഞു. മുൻ മന്ത്രിമാരായ ആർ. അശോകയും വി.സോമണ്ണയും തമ്മിലുള്ള തർക്കത്തെക്കുറിച്ച്​ പ്രതികരിക്കാൻ അദേഹം തയാറായില്ല.