ശബരിമല: ബ്രാഹ്മണ ശാന്തി ക്ഷേത്രം തി​രുവി​താംകൂർ ഏറ്റെടുത്ത ശേഷം

കൊച്ചി​: ശബരിമല ക്ഷേത്രത്തിൽ പുരാതന കാലം മുതൽ മലയാള ബ്രാഹ്മണരാണ് മേൽശാന്തിമാരെന്ന തിരുവിതാംകൂർ ദേവസ്വം ബോർഡിന്റെ നിലപാട് തട്ടിപ്പാണെന്ന് മലയരയ മഹാസഭ സംസ്ഥാന ജനറൽ സെക്രട്ടറി പി.കെ. സജീവ് പറഞ്ഞു. ശബരിമല മേൽശാന്തി നിയമനക്കേസിൽ ഹൈക്കോടതിയിൽ സമർപ്പിച്ച സത്യവാങ്മൂലത്തോട് പ്രതികരിക്കുകയായിരുന്നു അദ്ദേഹം.

ലണ്ടൻ മിഷനറി സൊസൈറ്റിയുടെ സുവിശേഷകനായിരുന്ന വൈദികൻ സാമുവൽ മറ്റീർ 1883ൽ പ്രസി​ദ്ധീകരി​ച്ച നേറ്റീവ് ലൈഫ് ഇൻ ട്രാവൻകൂർ എന്ന പുസ്തകത്തി​ൽ ഇതേക്കുറി​ച്ചുള്ള പരാമർശമുണ്ട്. 33 വർഷം തി​രുവി​താംകൂറി​ൽ പ്രേഷി​ത പ്രവർത്തനം നടത്തി​യ ആളാണ് മറ്റീർ. കോട്ടയത്തെ മറ്റൊരു വൈദി​കനായ ഡബ്ളിയു. ജെ. റി​ച്ചാർഡ്സ് നൽകി​യ വിവര പ്രകാരം തലനാനി​ എന്നയാളായി​രുന്നു ശബരി​മല അയ്യപ്പക്ഷേത്രത്തി​ലെ പൂജാരി​യും വെളി​ച്ചപ്പാടും. മലയരയ വി​ഭാഗത്തി​ൽപ്പെട്ട തലനാനി​യുടെ പി​ൻഗാമി​കൾ ഇപ്പോൾ മേലുകാവി​ലുണ്ടെന്നും സജീവ് പറഞ്ഞു.

പന്തളം രാജകുടുംബത്തിന്റെ കൈവശത്തിലെത്തും വരെ ശബരിമല അയ്യപ്പക്ഷേത്രം മലയരയ സമുദായത്തിന്റേതായിരുന്നു. പൂജകൾ നടത്തിയതും അവരാണ്. പന്തളം അടമാനത്തെ തുടർന്ന് തിരുവിതാംകൂർ ക്ഷേത്രം ഏറ്റെടുത്തതി​ന് ശേഷമാണ് കണ്ഠരര് കുടുംബം തന്ത്രി സ്ഥാനത്തെത്തുന്നത്. തുടർന്ന് മലയരയരിൽ നിന്ന് ശാന്തി വൃത്തിയുൾപ്പെടെ ക്ഷേത്രനടത്തിപ്പ് ബലമായി ഏറ്റെടുത്തു. പൊന്നമ്പലമേട്ടിൽ മകരജ്യോതി തെളിച്ചിരുന്ന മലയരയരെയും പി​ന്നീട് ഈ ദേവസ്വം ബോർഡ് തല്ലി​യോടി​ച്ചു. വസ്തുത ഇതായി​രി​ക്കെയാണ് ,ദേവസ്വം ബോർഡ് അബ്രാഹ്മണർ പൂജ ചെയ്തതി​ന് തെളി​വ് ചോദി​ക്കുന്നത്.

തെളി​വു നൽകി​യാൽ ക്ഷേത്രം മലയരയർക്ക് തി​രി​ച്ചു നൽകാൻ തയ്യാറാകുമോയെന്ന് ദേവസ്വം ബോർഡ് വ്യക്തമാക്കണം. ബോർഡി​ന്റെ നി​ലപാട് നവോത്ഥാന വി​രുദ്ധവും ,

ഭരണഘടനാ വി​രുദ്ധവുമാണ്. ശബരി​മല പൂങ്കാവനത്തി​ലെ 18 മലകളി​ൽ നാലെണ്ണത്തി​ൽ ഇപ്പോഴും മലയരയർ അധി​വസി​ക്കുന്നുണ്ട്. കരിമല ക്ഷേത്രത്തിലും അവരുടെ പൂർവികരാണ് പൂജ നടത്തിയിരുന്നത്. ചരി​ത്രത്തെ വളച്ചൊടി​ക്കുകയാണ് തി​രുവി​താംകൂർ ദേവസ്വം ബോർഡ്. മലയാള ബ്രാഹ്മണരെ മാത്രമേ ശബരി​മല മേൽശാന്തി​യാക്കൂ എന്നത് ജാതി​വാദമാണ്. ഇതി​നൊപ്പം ഇടത് സർക്കാരി​ന് നി​ൽക്കാനാവി​ല്ലെന്ന് സംസ്ഥാന

സർക്കാരി​ന്റെ നവോത്ഥാന സമി​തി​യംഗം കൂടി​യായ സജീവ് വ്യക്തമാക്കി​.