ചാത്തമംഗലം: ആർ.ഇ.സി. ഗവ. വൊക്കേഷനൽ ഹയർസെക്കൻഡറി സ്ക്കൂളിൽ കോഴിക്കോട് ജില്ലാ പഞ്ചായത്ത് ആവിഷ്കരിച്ചു നടപ്പിലാക്കുന്ന "പുലർകാലം" പദ്ധതി ജില്ലാ പഞ്ചായത്ത് മെമ്പർ കമ്പളത്ത് സുധ ഉദ്ഘാടനം ചെയ്തു. പി ടി എ പ്രസിഡന്റ് ഷാജു കുനിയിൽ അദ്ധ്യക്ഷത വഹിച്ചു. സംസ്ഥാന -ജില്ലാ -സബ് ജില്ലാ കലാ- കായിക മത്സരങ്ങളിലും ശാസ്ത്രമേളകളിലും ഉന്നത വിജയം നേടിയ വിദ്യാർത്ഥികളെയും, കായികാദ്ധ്യാപകൻ ഹരിദാസനെയും ചടങ്ങിൽ അനുമോദിച്ചു. ചാത്തമംഗലം ഗ്രാമപഞ്ചായത്ത് പ്രസിഡന്റ് ഓളിക്കൽ ഗഫൂർ മുഖ്യപ്രഭാഷണം നടത്തി. പുലർകാലം പദ്ധതിയെക്കുറിച്ച് ജില്ലാ കോ-ഓർഡിനേറ്റർ പ്രവീൺ കുമാർ വിശദീകരണം നടത്തി. എസ്.എം.സി ചെയർമാൻ കെ.രാഘവൻ, എം.പി.ടി.എ ചെയർ പേഴ്സൺ ലിഷപൊന്നി, സുരേഷ് ബാബു, സി.ടി.കുഞ്ഞോയി, പി.ശാലിനി, ഷിജു.എം.ജോസഫ്, എൻ.വന്ദന,സ്മിത, സന്ദീപ് ഹർഷൻ എന്നിവർ പ്രസംഗിച്ചു. പ്രിൻസിപ്പൽ പി.ജിജി സ്വാഗതവും, പ്രധാനദ്ധ്യാപിക എം.ശ്രീകല. നന്ദിയുo പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |