തിരുവനന്തപുരം: സംസ്ഥാനത്തെ ജലവൈദ്യുത നിലയങ്ങളിൽനിന്ന് 2022 ഡിസംബർ 31വരെ 7,414ദശലക്ഷം യൂണിറ്റ് വൈദ്യുതി ഉത്പാദിപ്പിച്ചതായി വൈദ്യുതി മന്ത്രി കെ. കൃഷ്ണൻകുട്ടി. 5,950ദശലക്ഷം യൂണിറ്റായിരുന്നു ലക്ഷ്യമിട്ടിരുന്നത്. മേയ് നാലിന് കമ്മിഷൻ ചെയ്ത പൊരിങ്ങൽകുത്ത് പദ്ധതിയിൽനിന്ന് 99.96 യൂണിറ്റ് ഇതുവരെ ഉത്പാദിപ്പിച്ചു. 2021-22ൽ 159.38ദശലക്ഷം യൂണിറ്റായിരുന്നു സൗരോർജ വൈദ്യുതി ഉത്പാദനമെങ്കിൽ ഈ വർഷം ഡിസംബർ 31വരെ അത് 275.77ദശലക്ഷം യൂണിറ്റായി.ഉപഭോക്താക്കൾക്കും കെ.എസ്.ഇ.ബിയ്ക്കും ദോഷകരമായി ബാധിക്കാത്ത രീതിയിൽ സ്മാർട്ട് മീറ്റർ പദ്ധതി നടപ്പാക്കാനാണ് സർക്കാർ ലക്ഷ്യമിടുന്നതെന്നും മന്ത്രി അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |