എട്ടാം സെമസ്റ്റർ ബി.ടെക് സപ്ലിമെന്ററി (2008,2011,2012 & 2013 സ്കീം) സെഷനൽ ഇംപ്രൂവ്മെന്റ് (2008 സ്കീം & 2013 സ്കീം) മേഴ്സി ചാൻസ് (2008,2009 & 2010 അഡ്മിഷൻ) മേയ്/ജൂൺ 2022 പരീക്ഷാഫലം പ്രസിദ്ധീകരിച്ചു.
ഒന്നാം സെമസ്റ്റർ ബി.എ (സി.ബി.സി.എസ് മേഴ്സി ചാൻസ് 2013 അഡ്മിഷൻ) പരീക്ഷാഫലം പ്രസിദ്ധീകരിച്ചു.
രണ്ടാം സെമസ്റ്റർ എം.എ ബിഹേവിയറൽ എക്കണോമിക്സ് ആൻഡ് ഡാറ്റാ സയൻസ് പരീക്ഷാഫലം പ്രസിദ്ധീകരിച്ചു.
നാലാം സെമസ്റ്റർ ബി.പി.എ (വോക്കൽ/ വീണ/ വയലിൻ /മൃദംഗം/ ഡാൻസ് )ആഗസ്റ്റ് 2022 പരീക്ഷാഫലം പ്രസിദ്ധീകരിച്ചു.
നാലാം സെമസ്റ്റർ ബി.എസ് സി കംപ്യൂട്ടർ സയൻസ് (റഗുലർ 2020 പ്രവേശനം, ഇപ്രൂവ്മെന്റ് /സപ്ലിമെന്ററി - 2019 പ്രവേശനം, സപ്ലിമെന്ററി - 2018, 2017 & 2016 പ്രവേശനം, മേഴ്സി ചാൻസ് 2015, 2014 & 2013 പ്രവേശനം) ആഗസ്റ്റ് 2022 പരീക്ഷാഫലം പ്രസിദ്ധീകരിച്ചു.
സി.ബി.സി.എസ്. ബികോം, ബി.എ നാലാം സെമസ്റ്റർ 2020 അഡ്മിഷൻ (റഗുലർ), 2019 അഡ്മിഷൻ (ഇംപ്രൂവ്മെന്റ്/ സപ്ലിമെന്ററി), 2016 - 2018 അഡ്മിഷൻ (സപ്ലിമെന്ററി), മേഴ്സി ചാൻസ് (2013 - 2015 അഡ്മിഷൻ) പരീക്ഷാഫലം പ്രസിദ്ധീകരിച്ചു.
3 സ്വയംഭരണ കോളേജുകളിൽ
നേരിട്ട് എൻജി. പ്രവേശനം
തിരുവനന്തപുരം: സ്വയംഭരണ പദവിയുള്ള കളമശേരി രാജഗിരി,തിരുവനന്തപുരം മാർ ബസേലിയോസ്,കോട്ടയം സെൻറ് ഗിറ്റ്സ് സ്വാശ്രയ എൻജിനിയറിംഗ് കോളേജുകളിൽ എൻട്രൻസ് കമ്മിഷണറുടെ അലോട്ട്മെന്റുണ്ടാവില്ല. കോളേജുകൾ നേരിട്ട് കൗൺസലിംഗിലൂടെ പ്രവേശനം നടത്തും. എൻട്രൻസ് യോഗ്യത നേടിയവരെയേ പ്രവേശിപ്പിക്കാനാവൂ. അതേസമയം,സ്വയംഭരണ പദവിയുള്ള എയ്ഡഡ് കോളേജായ കൊല്ലം ടി.കെ.എമ്മിൽ എൻട്രൻസ് കമ്മിഷണറുടെ അലോട്ട്മെന്റ് തുടരും.
സ്പോർട്സ് സ്കൂളുകളിലേക്ക്
ടാലന്റ് സെലക്ഷൻ 25ന്
തിരുവനന്തപുരം: സംസ്ഥാനത്തെ സ്പോർട്സ് സ്കൂളുകളിലേക്ക് 2023 - 24 അദ്ധ്യയന വർഷത്തേക്കുള്ള കുട്ടികളെ തിരഞ്ഞെടുക്കുന്നതിനുള്ള ടാലന്റ് സെലക്ഷൻ 25ന് നടക്കും. തിരുവനന്തപുരം ജി.വി.രാജ, കണ്ണൂർ സ്പോർട്സ് സ്കൂൾ, തൃശൂർ സ്പോർട്സ് ഡിവിഷൻ എന്നിവടങ്ങളിലാണ് സെലക്ഷൻ. ജനുവരി 27 മുതൽ ഫെബ്രുവരി 16വരെ നടന്ന സെലക്ഷനിൽ പങ്കെടുക്കാൻ കഴിയാതിരുന്ന വിദ്യാർത്ഥികൾക്കാണിപ്പോൾ സെലക്ഷൻ. 6 മുതൽ 8 വരെയും പ്ലസ് വണ്ണിലേക്കും നേരിട്ടും 9,10 ക്ലാസുകളിലേക്ക് ലാറ്ററൽ എൻട്രിയുമാണ്. അത്ലറ്റിക്സ്, ബാസ്കറ്റ്ബാൾ, ബോക്സിംഗ്,ജൂഡോ,വോളിബാൾ,റെസ്ലിംഗ് എന്നീ ഇനങ്ങളിലേക്ക് ആൺകുട്ടികൾക്കും പെൺകുട്ടികൾക്കും ക്രിക്കറ്റ്, തായ്ക്കോണ്ടോ എന്നീയിനങ്ങളിലേക്ക് പെൺകുട്ടികൾക്ക് മാത്രവുമായിരിക്കും സെലക്ഷൻ. താത്പര്യമുള്ളർ 25ന് രാവിലെ 10ന് സ്പോർട്സ് കിറ്റുമായി അതാത് കേന്ദ്രങ്ങളിൽ എത്തണം.
പുസ്തകം പരിഭാഷ:
വിവർത്തകർക്ക്
അപേക്ഷിക്കാം
തിരുവനന്തപുരം: ഇംഗ്ലീഷിലുള്ള രണ്ടാം വർഷ എൻജിനിയറിംഗ് ഡിപ്ലോമ പുസ്തകങ്ങൾ മലയാളത്തിലേക്ക് പരിഭാഷപ്പെടുത്തുന്നതിന് സാങ്കേതിക സർവകലാശാല അഫിലിയേറ്റഡ് കോളേജുകളിലെ അദ്ധ്യാപർക്കും വിരമിച്ചവർക്കും 27നകം അപേക്ഷിക്കാം. മലയാളം ഉൾപ്പെടെ ഭാഷകളിൽ എൻജിനിയറിംഗ് പഠനം സാദ്ധ്യമാക്കാനുള്ള എ.ഐ.സി.ടി.ഇയുടെ സാങ്കേതിക പുസ്തക രചനാ പദ്ധതിയുടെ ഭാഗമായാണിത്.
പരാതികൾക്ക്
ആർ.ബി.ഐ.ഒ.എസ്.
സംവിധാനം
തിരുവനന്തപുരം: ബാങ്കുകൾ ഉൾപ്പെടെ റിസർവ് ബാങ്ക് നിയന്ത്രണത്തിലുള്ള ധനകാര്യസ്ഥാപനങ്ങളെ സംബന്ധിച്ച് പൊതുജനങ്ങൾക്കുള്ള പരാതികൾ പരിഹരിക്കുന്നതിന് റിസർവ് ബാങ്ക് ഇന്റഗ്രേറ്റഡ് ഓംബുഡ്സ്മാൻ സ്കീം എന്ന പദ്ധതി നടപ്പാക്കിയതായി റിസർവ് ബാങ്ക് ഓംബുഡ്സ്മാൻ ആർ.കമലക്കണ്ണൻ അറിയിച്ചു.എല്ലാ ആർ.ബി.ഐ നിയന്ത്രിത ധനകാര്യ സ്ഥാപനങ്ങളും ഉപഭോക്താക്കളിൽ നിന്നുള്ള പരാതികൾ കാര്യക്ഷമമായും ന്യായമായും പരിഹരിക്കണമെന്ന് ആർ.ബി.ഐ നിർദ്ദേശം. ഉപഭോക്താവ് സ്ഥാപനങ്ങളുടെ തീരുമാനങ്ങളിൽ തൃപ്തനല്ലെങ്കിൽ,വേഗത്തിലുള്ള പരിഹാരത്തിനായാണ് ബദൽ പരാതി പരിഹരണസംവിധാനം ആർ.ബി.ഐ ഏർപ്പെടുത്തിയത്.ആർ.ബി.ഐയുടെ https://cms.rbi.org.inൽ പരാതി നൽകാം. സെൻട്രലൈസ്ഡ് റസീര്രപ് ആൻഡ് പ്രോസസിംഗ് സെന്റർ,നാലാം നില,റിസർവ് ബാങ്ക്ഒഫ് ഇന്ത്യ,സെക്ടർ 17,സെൻട്രൽ വിസ്ത,ചണ്ഡീഗഢ് 160017ൽ പരാതികൾ അയക്കാം. വിശദവിവരങ്ങൾക്ക് 14448ൽ ബന്ധപ്പെടുക.
എൻജി. കോളേജ് അദ്ധ്യാപക പെൻഷൻ പ്രായം 60ആക്കിയേക്കും
തിരുവനന്തപുരം: സർക്കാർ, എയ്ഡഡ് എൻജിനിയറിംഗ് കോളേജ് അദ്ധ്യാപകരുടെ പെൻഷൻ പ്രായം 56ൽ നിന്ന് 60ആക്കുന്നത് സർക്കാരിന്റെ പരിഗണനയിൽ. ഇതേക്കുറിച്ച് പഠിക്കുന്ന സാങ്കേതിക വിദ്യാഭ്യാസ ജോയിന്റ് ഡയറക്ടർ വൃന്ദനായരുടെ സമിതി ഉടൻ സർക്കാരിന് റിപ്പോർട്ട് നൽകും. മറ്റ് സംസ്ഥാനങ്ങളിൽ 60 മുതൽ 65വയസ് വരെയാണ് പെൻഷൻ പ്രായം. ഗവ. എൻജിനിയറിംഗ് കോളേജുകളിൽ അസി. പ്രൊഫസർ നിയമനത്തിന് പി.എസ്.സി നടപടി പുരോഗമിക്കുകയാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |