യാത്രക്കാർക്ക് വിഷുക്കൈനീട്ടം

കൊച്ചി: വിദ്യാർത്ഥികളെയും വിനോദസഞ്ചാരികളെയും ആകർഷിക്കുന്നതിനായി കൊച്ചി മെട്രോ ഗ്രൂപ്പ് ടിക്കറ്റുകൾക്ക് ഇളവ്. 50 പേരിലധികമുള്ള ഗ്രൂപ്പ് ബുക്കിംഗുകൾക്ക് പരമാവധി ടിക്കറ്റ് നിരക്കായ 60 രൂപയുടെ 25 ശതമാനം ഇളവ് ലഭിക്കും. ഏത് സ്റ്റേഷലേക്കും യാത്ര ചെയ്യാവുന്ന സിംഗിൾ ജേർണി ടിക്കറ്റിന് 45 രൂപയായിരിക്കും നിരക്ക്. 100 പേരിലധികമുള്ള ഗ്രൂപ്പുകൾക്ക് സിംഗിൽ ജേർണി ടിക്കറ്റ് ബുക്ക് ചെയ്യുമ്പോൾ 50 ശതമാനം ഇളവ് ലഭിക്കും. 100 പേരടങ്ങുന്ന ഗ്രൂപ്പിന് ഒരു ടിക്കറ്റിന് 30 രൂപയായിരിക്കും നിരക്ക്. ഗ്രൂപ്പ് ടിക്കറ്റ് യാത്രയ്ക്ക് ഒരു ദിവസം മുമ്പെങ്കിലും ബുക്ക് ചെയ്യണം. ബുക്ക് ചെയ്യാൻ വെബ്സൈറ്റ് സന്ദർശിക്കുക.