വായന വണ്ടി നീർവിളാകത്ത്

കോഴഞ്ചേരി : വായനക്കാർക്കായി വീടുകളിൽ പുസ്തകങ്ങൾ എത്തിച്ചു നൽകുന്ന 'വായന വണ്ടി' പദ്ധതി നീർവിളാകം ടാഗോർ ഗ്രന്ഥശാലയിൽ തുടങ്ങി. കേരള ഫോക് ലോർ അക്കാഡമി ചെയർമാൻ ഓ എസ് ഉണ്ണികൃഷ്ണൻ 'കടമ്മനിട്ട കവിതകൾ' എന്ന പുസ്തകം എസ്.മുരളി കൃഷ്ണന് കൈമാറി പദ്ധതി ഉദ്ഘാടനം ചെയ്തു. ഗ്രന്ഥശാലാ പ്രസിഡന്റ് ഹരികുമാർ മുരിങ്ങൂർ അദ്ധ്യക്ഷനായി. സെക്രട്ടറി വിനോജ് കൈലാസം റിപ്പോർട്ട് അവതരിപ്പിച്ചു. അംഗങ്ങൾ ആവശ്യപ്പെടുന്ന പുസ്തകങ്ങൾ വായന വണ്ടിയിലൂടെ ദിവസവും വൈകിട്ട് വീടുകളിൽ എത്തിച്ചു നൽകും. പന്തളം ബ്ലോക്ക് പഞ്ചായത്ത് വൈസ് പ്രസിഡന്റ് അശ്വതി വിനോജ്, കെ.എൻ.രാധാകൃഷ്ണൻ നായർ, രജിത ആർ നായർ, ആർ.മോഹൻ നായർ എന്നിവർ പ്രസംഗിച്ചു.