അറേബ്യൻ പാലസ് ജേതാക്കൾ

വല്ലാർപാടം: ഭാവന സ്‌പോർട്‌സ് ആൻഡ് ആർട്‌സ് ക്ലബ് സംഘടിപ്പിച്ച സെവൻസ് ഫ്‌ളഡ്‌ലിറ്റ് ഫുട്‌ബാൾ ടൂർണമെന്റിൽ ഇടപ്പള്ളി അറേബ്യൻ പാലസ് ടീം കിരീടം ചൂടി. എറണാകുളം യുണൈറ്റഡ് എഫ്.സിയുമായി നടന്ന മത്സരത്തിൽ എതിരില്ലാത്ത ഒരു ഗോളിനാണ് അറേബ്യൻ പാലസ് വിജയികളായത്. മുൻ ഇന്ത്യൻ ഫുട്‌ബാൾ താരം പി.പി. തോബിയാസ് വിജയികൾക്ക് ട്രോഫി നൽകി. ജോസഫ് ഡെനോ മെമ്മോറിയൽ എവർ റോളിംഗ് ട്രോഫിയും 40,000 രൂപയുമാണ് ജേതാക്കൾക്ക് സമ്മാനമായി ലഭിച്ചത്. മുളവുകാട് പഞ്ചായത്ത് പ്രസിഡന്റ് വി.എസ്. അക്ബർ, ഫാ.ഡോ. ആന്റണി വാലുങ്കൽ, എൽസി ജോർജ്, പി.ആർ. ജോ തുടങ്ങിയവർ പങ്കെടുത്തു.