സ്റ്റാർട്ട്അപ്പിന് അന്താരാഷ്ട്ര അംഗീകാരം

തൃക്കാക്കര: കൊച്ചി ആസ്ഥാനമായ ടെക് ബൈ ഹാർട്ട് എന്ന സ്റ്റാർട്ടപ്പിന് ഇന്ത്യയിൽ സൈബർ സുരക്ഷ മേഖലയിൽ പ്രവർത്തിക്കുന്ന ഏറ്റവും മികച്ച സ്റ്റാർട്ടപ്പിനുള്ള ഈ വർഷത്തെ ഗ്ലോബൽ ഇൻസ്പിറേഷൻ അവാർഡ് ലഭിച്ചു. വേൾഡ് ഹ്യൂമാനിറ്റേറിയൻ ഫൗണ്ടേഷനും ട്രൈഡന്റ് കമ്മ്യൂണിക്കേഷനും ചേർന്ന് നൽകുന്ന പുരസ്കാരം ഈ മേഖലയിലെ പ്രധാന ബഹുമതികളിലൊന്നാണ്. ഈ അംഗീകാരം ലഭിക്കുന്ന കേരളത്തിൽ നിന്നുള്ള ആദ്യ സ്ഥാപനം കൂടിയാണ് ടെക് ബൈ ഹാർട്ട്.
സൈബർ സെക്യൂരിറ്റി, സൈബർ ഫോറൻസിക്, എത്തിക്കൽ ഹാക്കിംഗ്, വെബ്സൈറ്റ് പ്രൊട്ടക്ഷൻ, ഡിജിറ്റൽ മാർക്കറ്റിംഗ് തുടങ്ങിയവയിൽ വിദ്യാർത്ഥികൾക്കും പ്രൊഫഷണലുകൾക്കും ആവശ്യമായ ബോധവൽക്കരണവും പരിശീലനവും നൽകിയായിരുന്നു ശ്രദ്ധ നേടിയത്.