ക്ഷേത്രത്തിൽ നിന്ന് വിളക്കുകൾ മോഷ്ടിച്ച പ്രതി അറസ്റ്റിൽ

വിഴിഞ്ഞം: ക്ഷേത്രത്തിൽ നിന്ന് വിളക്കുകൾ മോഷ്ടിച്ച പ്രതി അറസ്റ്റിൽ. പാച്ചല്ലൂർ കാളിക്കവിളാകം ശ്രീദേവി മൂർത്തി ക്ഷേത്രത്തിന്റെ ചുറ്റുമതിൽ ചാടിക്കടന്ന് 3 ചെമ്പ് നിലവിളക്കുകളും ഒരു തൂക്കുവിളക്കും ഉൾപ്പെടെ 8000 രൂപയുടെ വസ്തുക്കൾ മോഷ്ടിച്ച പാച്ചല്ലൂർ പാറവിള സ്വദേശി അമലിനെയാണ് (20) തിരുവല്ലം പൊലീസ് അറസ്റ്റ് ചെയ്തത്.

27ന് പുലർച്ചെ 2.30ഓടെയായിരുന്നു സംഭവം. എട്ട് മാസം മുൻപ് ഇതേ ക്ഷേത്രത്തിൽ നിന്ന് ഒരു നിലവിളക്കും 12000 രൂപ വില വരുന്ന മണിയും മോഷണം പോയിരുന്നു. ഇതിനെ തുടർന്ന് ക്ഷേത്രത്തിൽ സി.സി ടിവി ക്യാമറ സ്ഥാപിച്ചു.കഴിഞ്ഞ ദിവസത്തെ മോഷണ ദൃശ്യത്തിൽ നിന്ന് പ്രതിയെ തിരിച്ചറിഞ്ഞ പൊലീസ് പ്രതിയെ അറസ്റ്റ് ചെയ്യുകയായിരുന്നു. പ്രതി നിരവധി കേസുകളിലെ പ്രതിയാണെന്ന് തിരുവല്ലം എസ്.ഐ കെ.പി അനൂപ് പറഞ്ഞു.