മാവിന്റെ ഭീഷണി വെട്ടിയൊതുക്കി

കുണ്ടറ: കുണ്ടറ- കൊട്ടാരക്കര റൂട്ടിൽ നെടുമ്പായിക്കുളം ജംഗ്ഷനിൽ റോഡിനോട് ചേർന്ന് അപകട ഭീഷണിയായി നിന്ന മാവ് മുറിച്ചുമാറ്റി.

മരം മുറിക്കണമെന്ന് ആവശ്യപ്പെട്ട് നിരവധി സംഘടനകൾ നിവേദനം നൽകിയിരുന്നെങ്കിലും അധികൃതർ ഗൗനിച്ചില്ല. സമരങ്ങൾ ഉൾപ്പെടെ നടന്നു. ഇതിനിടെ മരം ലേലം ചെയ്യാൻ നോട്ടീസ് പതിച്ചു. എന്നാൽ ഫോറസ്റ്റ് അധികൃതർ 13,000 രൂപയാണ് നിശ്ചയിച്ചത്. വെട്ടുകൂലിയും കെ.എസ്.ഇ.ബി ലൈൻ അഴിക്കാനുള്ള ചെലവും കൂടി നോക്കുമ്പോൾ ലേലം പിടിക്കുന്നവർക്ക് വൻ നഷ്ടം സംഭവിക്കും. ഇതോടെ ആരും തിരിഞ്ഞുനോക്കിയില്ല.

നാളുകൾ കഴിഞ്ഞതോടെ അടിഭാഗം ദ്രവിച്ച് മരം കൂടുതൽ അപകട നിലയിലായതോടെ ദുരന്ത നിവാരണ വിഭാഗത്തിൽ പെടുത്തി മുറിക്കുകയായിരുന്നു. പകൽനേരത്ത് മുറിച്ചതിനാൽ ഗതാഗതവും തടസപ്പെട്ടു.