'ദ കേരള സ്റ്റോറി' പ്രദർശിപ്പിക്കുന്നതുകൊണ്ട് ഒന്നും സംഭവിക്കില്ല; മതേതര സ്വഭാവമുള്ള കേരള സമൂഹം സിനിമ സ്വീകരിക്കുമെന്ന് ഹൈക്കോടതി

കൊച്ചി: 'ദ കേരള സ്റ്റോറി' പ്രദർശിപ്പിക്കുന്നതുകൊണ്ട് ഒന്നും സംഭവിക്കില്ലെന്ന് ഹൈക്കോടതി. ഇതൊരു സാങ്കൽപിക ചിത്രമാണെന്നും ചരിത്ര സിനിമയല്ലെന്നും കോടതി നിരീക്ഷിച്ചു. മതേതര സ്വഭാവമുള്ള കേരള സമൂഹം സിനിമ സ്വീകരിക്കുമെന്നും കോടതി ചൂണ്ടിക്കാട്ടി.

കഴിഞ്ഞ നവംബറിൽ സിനിമയുടെ ടീസർ ഇറങ്ങിയതാണെന്നും ഇപ്പോഴാണ് ആരോപണമുണ്ടാകുന്നതെന്നും കോടതി നിരീക്ഷിച്ചു. ചിത്രത്തിന്റെ ട്രെയിലറും ടീസറും ഹൈക്കോടതി പരിശോധിക്കുന്നുണ്ട്. ജ​സ്റ്റി​സ് ​എ​ൻ.​ ​ന​ഗ​രേ​ഷ്,​ ​ജ​സ്റ്റി​സ് ​സോ​ഫി​ ​തോ​മ​സ് ​എ​ന്നി​വ​രു​ൾ​പ്പെ​ട്ട​ ​ഡി​വി​ഷ​ൻ​ ​ബെ​ഞ്ചാണ് ഹർജി പരിഗണിച്ചത്.

മു​സ്ളിം​ ​മ​ത​വി​കാ​രം​ ​വ്ര​ണ​പ്പെ​ടു​ത്തു​ന്ന​ ​ത​ര​ത്തി​ലു​ള്ള​ ​ചി​ത്ര​ത്തി​ന്റെ​ ​പ്ര​ദ​ർ​ശ​നം​ ​വി​ല​ക്ക​ണ​മെ​ന്നാ​വ​ശ്യ​പ്പെ​ട്ട്,​ ​തൃ​ശൂ​ർ​ ​സ്വ​ദേ​ശി​ക​ളാ​യ​ ​അ​ഡ്വ.​ ​വി.​ആ​ർ.​ ​അ​നൂ​പ്,​ ​ത​മ​ന്ന​ ​സു​ൽ​ത്താ​ന,​ ​നാ​ഷ​ണ​ലി​സ്റ്റ്‌​ ​യൂ​ത്ത് ​കോ​ൺ​ഗ്ര​സ് ​ജ​ന​റ​ൽ​ ​സെ​ക്ര​ട്ട​റി​ ​സി​ജി​ൻ​ ​സ്റ്റാ​ൻ​ലി​ ​എ​ന്നി​വ​രാണ്​ ​ക​ഴി​ഞ്ഞ​ ​ദി​വ​സം​ ​ഹ​ർ​ജി​ക​ൾ​ ​ന​ൽ​കിയത്.

കൂടാതെ ചി​ത്ര​ത്തി​ന്റെ​ ​പ്ര​ദ​ർ​ശ​നം​ ​ത​ട​യ​ണ​മെ​ന്നും​ ​നി​ർ​മ്മാ​താ​വ്,​ ​സം​വി​ധാ​യ​ക​ൻ,​ ​തി​ര​ക്ക​ഥാ​കൃ​ത്ത് ​എ​ന്നി​വ​ർ​ക്കെ​തി​രെ​ ​മ​ത​വി​ശ്വാ​സ​ത്തെ​ ​അ​വ​ഹേ​ളി​ച്ച​ത​ട​ക്ക​മു​ള്ള​ ​കു​റ്റ​ങ്ങ​ൾ​ക്ക് ​സ്വ​മേ​ധ​യാ​ ​കേ​സ് ​എ​ടു​ക്ക​ണ​മെ​ന്നും​ ​ആ​വ​ശ്യ​പ്പെ​ട്ട് ​മു​സ്ളിം​ ​ലീ​ഗ് ​സം​സ്ഥാ​ന​ ​സെ​ക്ര​ട്ടേ​റി​യ​റ്റം​ഗ​മാ​യ​ ​സി.​ ​ശ്യാം​സു​ന്ദ​റും​ ​ഹ​ർ​ജി​ ​ന​ൽ​കിയിരുന്നു.

അതേസമയം, ചിത്രത്തിന്റെ പ്രദർശനം ചോദ്യം ചെയ്‌തുള്ള ഹർജി സുപ്രീംകോടതി കഴിഞ്ഞ ദിവസവും മടക്കിയിരുന്നു. ഇത് മൂന്നാം തവണയാണ് വിഷയത്തിൽ ഇടപെടാൻ കോടതി വസമ്മതിക്കുന്നത്. സിനിമയെ കുറിച്ച് പ്രേക്ഷകർ വിലയിരുത്തട്ടെയെന്നായിരുന്നു ചീഫ് ജസ്റ്റിസ് ഡി.വൈ. ചന്ദ്രചൂഡ് അദ്ധ്യക്ഷനായ ബെഞ്ചിന്റെ നിരീക്ഷണം. സിനിമയുടെ അണിയറ പ്രവർത്തകരുടെ അദ്ധ്വാനത്തെ അവഗണിക്കാൻ കഴിയില്ലെന്നും കോടതി വ്യക്തമാക്കി.