ബസ് സമയവിവര ഡിജിറ്റൽ ഡിസ്‌പ്ളേ ബോർഡ് സ്ഥാപിച്ചു ഹൈട്ടെക്കായി മുക്കം സ്റ്റാന്റ് കേരളത്തിൽ ഇത് ആദ്യം

മുക്കം:മുക്ക് ബസ് സ്റ്റാന്റിൽ എത്തുന്നവർ ഇനി ബസ് വിവരം അന്വേഷിച്ച് അലയേണ്ട. ബസ് സ്റ്റാന്റിൽ ബസുകളുടെ സമയ വിവര ഡിജിറ്റൽ ഡിസ്‌പ്ളേ ബോർഡ് പ്രവർത്തനമാരംഭിച്ചു.കേരളത്തിൽ ആദ്യമായാണിത്. ബസ് ട്രാൻസിറ്റ് ഇൻഫോ സൊല്യൂഷൻസിന്റെ സാങ്കേതിക സഹായത്തോടെ മുക്കം നഗരസഭ സ്ഥാപിച്ച ബോർഡിൽ മുക്കം ബസ് സ്റ്രാന്റിലൂടെ കടന്നുപോകുന്ന ബസുകൾ എപ്പോൾ എത്തുമെന്നും എപ്പോൾ പുറപ്പെടുമെന്നും അറിയാനുള്ള സംവിധാനമുണ്ട്. മൊബൈൽ ആപ്ലിക്കേഷൻ വഴി കേരളത്തിലെ ഏത് ബസ് സ്റ്റോപ്പുകളിലെയും ബസ് സമയം അറിയാനും സൗകര്യമുണ്ട്. ബസ് റൂട്ട്, ട്രിപ്പ് സ്റ്റാറ്റസ്, ബസ് റിമൈൻഡർ, ട്രിപ്പ് പ്ലാനർ എന്നിവയും ആപ്പിൽ ഉൾപ്പെടുത്തിയിട്ടുണ്ട്.ഡിജിറ്റൽ ഡിസ്‌പ്ളേ ബോർഡിന്റെ ഉദ്ഘാടനം മുക്കം നഗരസഭ ചെയർമാൻ പി.ടി ബാബു നിർവഹിച്ചു. വൈസ് ചെയർപേഴ്സൺ അഡ്വ. കെ.പി.ചാന്ദിനി അദ്ധ്യക്ഷത വഹിച്ചു. സ്ഥിരം സമിതി അദ്ധ്യക്ഷൻമാരായ ഇ.സത്യനാരായണൻ, പ്രജിത പ്രദീപ്, മുഹമ്മദ്അബ്ദുൽ മജീദ്, കൗൺസിലർമാരായ എം.മധു, എ. അബ്ദുൽ ഗഫൂർ, അശ്വതി സനൂജ്, എം.വി രജനി, പി. ജോഷില, വസന്തകുമാരി, റംല ഗഫൂർ, പി.ബിന്ദു, വ്യാപാരി വ്യവസായി ഏകോപന സമിതി ഭാരവാഹികളായ പി.അലി അക്ബർ, അനീസ് , എം.ടി അസ്‌ലം, പ്രസ് ക്ലബ് അംഗങ്ങളായ മുക്കം ബാലകൃഷ്ണൻ, മുഹമ്മദ് കക്കാട്, വഹാബ് കളരിക്കൽ, സി.ഫസൽ ബാബു, ബസ് ട്രാൻസിറ്റ് ഇൻഫോ സൊല്യൂഷൻസ് പി.ആർ.ഒ ആഷിഖ് അലി ഇബ്രാഹിം, ബൈജു, എൻ.എം ഹാഷിർ, റഫീഖ്, മൂസക്കുട്ടി നെല്ലിക്കാപറമ്പ് എന്നിവർ പങ്കെടുത്തു.