നാടക വണ്ടിയും കൈമാറ്റ കടയും

ആലപ്പുഴ: സമ്പൂർണ്ണ ശുചിത്വ ക്യാമ്പയിന്റെ ഭാഗമായി ആലപ്പുഴ നഗരസഭ അണിയിച്ചൊരുക്കുന്ന ചലച്ചിത്ര താരങ്ങളടക്കം അഭിനേതാക്കളായെത്തുന്ന അഴകോടെ ആലപ്പുഴ നാടകത്തിന്റെ ഉദ്ഘാടനംനടൻ രമേഷ് പിഷാരടി നിർവഹിച്ചു. കഥാകൃത്ത് സുനിൽ ഞാറയ്ക്കലാണ് രചനയും സംവിധാനവും നിർവഹിച്ചത്. ആലപ്പുഴ വൈ.എം.സി.എ ഗ്രൗണ്ടിൽ നഗരസഭ ചെയർപേഴ്‌സൺ സൗമ്യരാജ് അദ്ധ്യക്ഷത വഹിച്ചു. ആദ്യാവതരണത്തിന്റെ ഉദ്ഘാടനം പി.പി.ചിത്തരഞ്ജൻ എം.എൽ.എ, കളക്ടർ ഹരിതവി.കുമാർ എന്നിവർ വിശിഷ്ടാതിഥികളായി പങ്കെടുക്കും. നഗരസഭ വൈസ് ചെയർമാൻ പി.എസ്.എം.ഹുസൈൻ, സ്ഥിരം സമിതി അദ്ധ്യക്ഷരായ ബീനരമേശ്, കെ.ബാബു, എ.ഷാനവാസ്, ബിന്ദുതോമസ്, ആർ.വിനിത, കൗൺസിലർമാർ തുടങ്ങിയവർ പങ്കെടുത്തു.