അതിവേഗം ബിരുദ പരീക്ഷാ ഫലം: എം.ജിയ്ക്ക് മന്ത്രിയുടെ അഭിനന്ദനം

കോട്ടയം : അവസാന സെമസ്റ്റർ ബിരുദ പരീക്ഷ പൂർത്തിയായി 14 ദിവസത്തിനുള്ളിൽ ഫലം പ്രസിദ്ധീകരിച്ച എം.ജി സർവകലാശാലയ്ക്ക് മന്ത്രി. ഡോ. ആർ. ബിന്ദുവിന്റെ അഭിനന്ദനം. ഈ വർഷം ഏപ്രിൽ, മേയ് മാസങ്ങളിലായി നടന്ന ആറാം സെമസ്റ്റർ റഗുലർ ബി.എ, ബി.എസ്.സി, ബി.കോം കോഴ്‌സുകളുടെ ഫലമാണ് കഴിഞ്ഞ ദിവസം പ്രസിദ്ധീകരിച്ചത്. സംസ്ഥാനത്ത് ഈ വർഷത്തെ അവസാന സെമസ്റ്റർ ഫലം ആദ്യം പ്രസിദ്ധീകരിക്കുന്ന സർവകലാശാലയാണ് എം.ജി. തിയറി പരീക്ഷകൾ 30 ന് മുൻപും പ്രാക്ടിക്കൽ പരീക്ഷകൾ 14 ദിവസം മുൻപുമാണ് പൂർത്തിയായത്. ജയിച്ച എല്ലാ വിദ്യാർത്ഥികളെയും മന്ത്രി അഭിനന്ദിച്ചു.