മരക്കൊമ്പൊടിഞ്ഞ് റോഡിൽ വീണു

നീണ്ടൂർ : കൈപ്പുഴ കവലയിൽ അപകടാവസ്ഥയിൽ നിന്നിരുന്ന മാവിന്റെ ശിഖരം റോഡിലേക്ക് ഒടിഞ്ഞു വീണു. നിരവധി വാഹനങ്ങൾ പോകുന്ന ഏറ്റുമാനൂർ - നീണ്ടൂർ റോഡിലേക്കാണ് മരക്കൊമ്പ് ഒടിഞ്ഞു വീണത്. മാവ് പൂർണ്ണമായോ , ശിഖരങ്ങളാേ മുറിച്ചു മാറ്റണമെണമെന്ന് നാട്ടുകാർ നിരവധി തവണ അധികൃതരെ പരാതിപ്പെട്ടതാണ്. സി.പി.എം ലോക്കൽസെക്രട്ടറി നീണ്ടൂർ മലേപ്പറമ്പിൽ എം.എസ്.ഷാജി യാത്ര ചെയ്തിരുന്ന കാറിന് മുന്നിലേക്കാണ് ശിഖരം വീണത്. ഏറെനേരം ഇതുവഴിയുള്ള ഗതാഗതം തടസ്സപ്പെട്ടു. മരം ഉടൻ മുറിച്ചു മാറ്റണമെന്നാണ് നാട്ടുകാരുടെ ആവശ്യം.