യാത്രഅയപ്പ് നൽകി

അടൂർ : മിൽമ മാന്നാർ ഡയറിയിൽ നിന്ന് എം.പി.ഒയായി വിരമിച്ച കെ.എൻ.രാധാമണിക്ക് എ.പി.സി.ഒ. എസ് സൊസൈറ്റിസ് പത്തനംതിട്ടയുടെ യാത്രഅയപ്പും സ്നേഹാദരവും പഴകുളം പാസിൽ നടത്തി. തിരുവഞ്ചൂർ രാധാകൃഷ്ണൻ എം.എൽ.എ ഉദ്ഘാടനം ചെയ്തു. മിൽമ മുൻമേഖല യൂണിയൻ ചെയർമാൻ കല്ലട രമേശ്‌ അദ്ധ്യക്ഷത വഹിച്ചു. തോപ്പിൽ ഗോപകുമാർ ഉപഹാരവും, പഴകുളം ശിവദാസൻ മോമന്റോയും നൽകി. ഏഴംകുളം അജു, ബിനു.എസ്. ചക്കാലയിൽ, സി.രഘുനാഥ്‌, അങ്ങാടിക്കൽ വിജയകുമാർ, ജേക്കബ് ഏബ്രഹാം, എസ്.ഇന്ദിര, ലിസിമത്തായി, കളത്തിൽ ഗോപാലകൃഷ്ണപിള്ള, പ്രഭുല്ല ചന്ദ്രൻ, ജോബോയ് ജോസഫ്, സണ്ണിതോമസ്, ഐവർകാല ദിലീപ് എന്നിവർ സംസാരിച്ചു.