വിദ്യാർത്ഥികൾക്ക് ഡിജിറ്റൽ ക്ലാസ്

കടലുണ്ടി : കടലുണ്ടി പബ്ലിക് ലൈബ്രറിയുടെ നേതൃത്വത്തിൽ വിദ്യാർത്ഥികൾക്ക് സെറ്റാ ബൈറ്റ് എന്നപേരിൽ ആധുനിക ഡിജിറ്റൽ സംവിധാനങ്ങളെകുറിച്ച് പഠന ക്ലാസ് നടത്തി. ഫറോക്ക് കോളേജ് കമ്പ്യൂട്ടർ സയൻസ് വിഭാഗം തലവൻ ഡോ.കബീർ വി ഉ​ദ്ഘാ​ടനം ചെയ്‌തു. ലൈബ്രറി വൈസ് പ്രസിഡന്റ് എം.വി.ഷിയാസ് മുഹമ്മദ് അദ്ധ്യക്ഷത വഹിച്ചു. ഭാവി തലമുറയെ ഡിജിറ്റൽ ലീഡർ ആക്കി മാറ്റിയെടുക്കുക എന്ന ലക്ഷ്യത്തിൽ ചാറ്റ് ജി.പി.ടി , ഗൂഗിൾ ബാർഡ് തുടങ്ങിയ ആധുനിക സാങ്കേതിക വിദ്യകൾ സംബന്ധിച്ച് തൃശൂർ ജ്യോതി എൻജിനിയറിംഗ് കോളേജ് പ്രൊഫ. ഡോ.ഷിജോഹ് വി , ടെക് വിഷാർഡ് അംഗം മുഹമ്മദ് ഷാനൂഖ് കെ എന്നിവർ ക്ലാസെടുത്തു. ലൈബ്രറി സെക്രട്ടറി യൂനുസ് കടലുണ്ടി സ്വാഗതവും പ്ര​ദീ​പ് കുന്നത്ത് നന്ദിയും പറഞ്ഞു.