നിയമനപരിശോധനാ തീയതിയിൽ മാറ്റം

തിരുവനന്തപുരം: പി.എസ്.സി തിരുവനന്തപുരം ജില്ലാ ഓഫീസിൽ 29 ന് നടത്താനിരുന്ന നിയമനപരിശോധന (സർവീസ് വെരിഫിക്കേഷൻ) ജൂലായ് 4 ന് നടത്തും.
പാലക്കാട് ജില്ലാ ഓഫീസിൽ 29 ന് നടത്താനിരുന്ന സർവീസ് വെരിഫിക്കേഷൻ 3 ന് നടത്തും.

ശാരീരിക അളവെടുപ്പും പ്രായോഗിക പരീക്ഷയും

എക്‌സൈസ് വകുപ്പിൽ ഡ്രൈവർ തസ്തികയിലേക്ക് തിരുവനന്തപുരം ജില്ലയിൽ (കാറ്റഗറി നമ്പർ 405/2021, 547/2021, 44/2022) തസ്തികയിലേക്ക് ജൂലായ് 4 മുതൽ 7 വരെ രാവിലെ 5.30 മണി മുതൽ കൊല്ലം ആശ്രാമം മൈതാനത്ത് വച്ചും കോഴിക്കോട് ജില്ലയിൽ (കാറ്റഗറി നമ്പർ 405/2021, 406/2021) 4, 5 തീയതികളിൽ രാവിലെ 5.30 ന് കോഴിക്കോട് മാലൂർകുന്നിലെ സിറ്റി എ.ആർ. ക്യാമ്പ് പരേഡ് ഗ്രൗണ്ടിൽ വച്ചും കണ്ണൂർ ജില്ലയിൽ (കാറ്റഗറി നമ്പർ 405/2021) 6 ന് കോഴിക്കോട് മാലൂർകുന്നിലെ സിറ്റി എ.ആർ ക്യാമ്പ് പരേഡ് ഗ്രൗണ്ടിൽ വച്ചും ശാരീരിക അളവെടുപ്പും പ്രായോഗിക പരീക്ഷയും നടത്തും. ജനറൽ കാറ്റഗറിയിലും എൻ.സി.എ കാറ്റഗറിയിലും (കാറ്റഗറി നമ്പർ 547/2021, 44/2022) ഉൾപ്പെട്ടവർ എൻ.സി.എ തസ്തികയുടെ പ്രായോഗിക പരീക്ഷ നടക്കുന്ന കേന്ദ്രത്തിൽ മാത്രം അഡ്മിഷൻ ടിക്കറ്റും യോഗ്യത തെളിയിക്കുന്നതിനാവശ്യമായ രേഖകളും സഹിതം ഹാജരാകണം.

വിവരണാത്മക പരീക്ഷ

കോളേജ് വിദ്യാഭ്യാസ വകുപ്പിൽ (മ്യൂസിക് കോളേജുകൾ) ലക്ചറർ ഇൻ വോക്കൽ (കാറ്റഗറി നമ്പർ 584/2022) തസ്തികയിലേക്ക് 3 ന് രാവിലെ 9.30 മുതൽ ഉച്ചയ്ക്ക് 12 മണി വരെ വിവരണാത്മക പരീക്ഷ നടത്തും.
കോളേജ് വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ പബ്ലിക് അഡ്മിനിസ്‌ട്രേഷൻ (കാറ്റഗറി നമ്പർ 288/2021) തസ്തികയിലേക്ക് 3 ന് രാവിലെ 9.30 മുതൽ ഉച്ചയ്ക്ക് 12 മണി വരെ വിവരണാത്മക പരീക്ഷ നടത്തും.
കോളേജ് വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ സംസ്‌കൃതം (വേദാന്ത) (കാറ്റഗറി നമ്പർ 1/2022) തസ്തികയിലേക്ക് 3 ന് രാവിലെ 9.30 മുതൽ ഉച്ചയ്ക്ക് 12 മണി വരെ വിവരണാത്മക പരീക്ഷ നടത്തും.

ഒ.എം.ആർ പരീക്ഷ

കേരള സ്റ്റേറ്റ് പൗൾട്രി ഡെവലപ്‌മെന്റ് കോർപ്പറേഷൻ ലിമിറ്റഡിൽ അക്കൗണ്ട്സ് അസിസ്റ്റന്റ് (കാറ്റഗറി നമ്പർ 77/2021) തസ്തികയിലേക്ക് 4 ന് രാവിലെ 7.15 മുതൽ 9.15 വരെ ഒ.എം.ആർ പരീക്ഷ നടത്തും.
കേരള ലാൻഡ് ഡെവലപ്‌മെന്റ് കോർപ്പറേഷൻ ലിമിറ്റഡിൽ അസിസ്റ്റന്റ് പ്രോജക്ട് എൻജിനിയർ (കാറ്റഗറി നമ്പർ 556/2021) തസ്തികയിലേക്ക് 6 ന് രാവിലെ 7.15 മുതൽ 9.15 വരെ ഒ.എം.ആർ പരീക്ഷ നടത്തും.