ഹണി റോസ് ഇനി, റേച്ചൽ

ഹണി റോസ് കേന്ദ്രകഥാപാത്രത്തെ അവതരിപ്പിക്കുന്ന റേച്ചൽ നവാഗതയായ ആനന്ദിനി ബാല സംവിധാനം ചെയ്യുന്നു. കശാപ്പുകാരിയുടെ വേഷമാണ് ഹണി റോസ് അവതരിപ്പിക്കുന്നത്.ചിത്രത്തിന്റെ ടൈറ്റിലും ഞെട്ടിക്കുന്ന മോഷൻ പോസ്റ്ററും പുറത്തിറങ്ങി. ഹണിറോസിന്റെ അഭിനയ ജീവിതത്തിൽ വഴിത്തിരിവായി റേച്ചൽ മാറുമെന്ന് മോഷൻ പോസ്റ്റർ വ്യക്തമാക്കുന്നു. സംവിധായകൻ എബ്രിഡ് ഷൈൻ അവതരിപ്പിക്കുന്ന ചിത്രത്തിന് കഥാകൃത്തും കവിയുമായ രാഹുൽ മണപ്പാട്ടിന്റേതാണ് കഥ . രാഹുലും എബ്രിഡ് ഷൈനും ചേർന്നാണ് തിരക്കഥ. ഛായാഗ്രഹണം ചന്ദു ശെൽവരാജ്. സംഗീതം അജിത് മേനോൻ, പ്രൊഡക്ഷൻ ഡിസൈൻ എം. ബാവ. ശബ്ദലേഖനം ശ്രീശങ്കർ, ബാദുഷ പ്രൊഡക്ഷൻസ്, പെൻ ആന്റ് പേപ്പർ എന്നീ ബാനറിൽ എൻ.എം. ബാദുഷ, ഷിനോയി മാത്യു, എബ്രിഡ് ഷൈൻ എന്നിവർ ചേർന്നാണ് നിർമ്മാണം. എക്സിക്യുട്ടീവ് പ്രൊഡ്യൂസേഴ്സ് മഞ്ജു ബാദുഷ, നീതു ഷിനോയി എന്നിവരാണ് . പി.ആർ.ഒ. എ.എസ്. ദിനേശ്.അതേസമയം മോഹൻലാൽ ചിത്രം മോൺസ്റ്റർ ആണ് ഹണിറോസ് നായികയായി മലയാളത്തിൽ അവസാനം റിലീസ് ചെയ്ത ചിത്രം. പൂക്കാലം സിനിമയിൽ അതിഥി വേഷത്തിലും എത്തിയിരുന്നു. വീരസിംഹ റെഡ്ഡി എന്ന ചിത്രത്തിൽ നന്ദമുരി ബാലകൃഷ്ണയുടെ നായികയായി തെലുങ്കിൽ ശക്തമായ തിരിച്ചുവരവ് നടത്തിയിരിക്കുകയാണ്.ചിത്രം മികച്ച വിജയം നേടുകയും ചെയ്തു.