ഡിജിറ്റൽ സാക്ഷരതക്ക് തുടക്കം

തൃക്കരിപ്പൂർ: ജില്ലാപഞ്ചായത്തിന്റെയും തൃക്കരിപ്പൂർ ഗ്രാമ പഞ്ചായത്തിന്റെയും സംയുക്താഭിമുഖ്യത്തിൽ നടത്തുന്ന ഡിജിറ്റൽ സാക്ഷരതക്ക് തൃക്കരിപ്പൂർ പഞ്ചായത്തിൽ തുടക്കമായി. ഗ്രാമ പഞ്ചായത്ത് പ്രസിഡന്റ് വി.കെ.ബാവ ഉദ്ഘാടനം ചെയ്തു.ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ശംസുദ്ദീൻ ആയിറ്റി അദ്ധ്യക്ഷത വഹിച്ചു. ബ്ലോക്ക് മെമ്പർ സി. ചന്ദ്രമതി,ജനപ്രതിനിധികളായ എം.രജീഷ് ബാബു, കെ.വി.കാർത്യായനി, ഫായിസ് ബീരിച്ചേരി, ഇ.ശശിധരൻ ,എം.ഷൈമ ,എ. കെ.സുജ,ഫരീദ ,സീത ഗണേശ് ' ആർ.പി.രമ്യ ,പ്രേരക് ചിത്ര പ്രസംഗിച്ചു സാക്ഷരത ജില്ലാ സമതിയംഗം കെ.വി.രാഘവൻ പദ്ധതി വിശദീകരണം നടത്തി.ഉദയ ക്ലബ്ബിൽ വച്ച് നടന്ന ചടങ്ങിൽ ജനപ്രതിനിധികൾ ആർ.പി.ഒമാർ , പഠിതാക്കൾ തൊഴിലാളികൾ തുടങ്ങിയവർ പങ്കെടുത്തു. പഞ്ചായത്ത് ആർ.പി.ഒ എം.സുധ നന്ദി പറഞ്ഞു