യു.ഡി.എഫ് പ്രതിഷേധിച്ചു

ബാലുശ്ശേരി: 2023 - 24 വർഷത്തെ മെയിന്റൻസ് ഗ്രാന്റ് അനുവദിക്കുന്നതിൽ ബാലുശ്ശേരി ബ്ലോക്കിൽ ഉൾപ്പെട്ട ബാലുശ്ശേരിഗ്രാമ പഞ്ചായത്തിനെ ഒഴിവാക്കിയ സംസ്ഥാന സർക്കാർ നടപടിയിൽ യു.ഡി.എഫ് മെമ്പർമാരായ യു.കെ.വിജയൻ , ഹരീഷ് നന്ദനം , ഉമ മഠത്തിൽ, ആരിഫ ബീവി, ഇന്ദിര ബാലകൃഷ്ണൻ , റീജമധു , സജിന ഞേറേച്ചാലിൽ എന്നിവർ പ്രതിഷേധിച്ചു.

കഴിഞ്ഞ വർഷങ്ങളിലും മെയിന്റൻസ് ഗ്രാന്റ് അനുവദിച്ചെങ്കിലും പകുതിയോളം തുക തിരിച്ചു പിടിക്കുകയായിരുന്നു. ഈ വർഷം നടന്ന ഗ്രാമസഭകളിലും റോഡിന് ഫണ്ടനുവദിച്ച കാര്യം അറിയിച്ചിരുന്നു. ഇതിന്റെ ഭാഗമായി ടെൻഡർ നടപടികൾ നടന്നു വരുന്നതിനിടയ്ക്കാണ് വികസനപ്രവർത്തനങ്ങൾ നിർത്തി വെയ്ക്കാൻ സർക്കാർ ഉത്തരവിറക്കിയത്.