കാവി അണിഞ്ഞ് മാളവിക മോഹനൻ

കാവി നിറം ഔട്ട് ഫിറ്റിൽ നടി മാളവിക മോഹനൻ. സമൂഹ മാദ്ധ്യമത്തിൽ മാളവിക പങ്കുവച്ച പുതിയ ചിത്രങ്ങൾക്ക് കമന്റുമായി ആരാധകർ. വേറിട്ട ഫോട്ടോ ഷൂട്ട് ചിത്രങ്ങളിൽ അതീവ ഗ്ളാമറസായാണ് മാളവിക അധികവും പ്രത്യക്ഷപ്പെടുക. എന്നാൽ ഇത്തവണ കാവി അണിഞ്ഞ് തികഞ്ഞ ഗൗരവത്തിലാണ് താരം. ദുൽഖർ സൽമാൻ നായകനായ പട്ടംപോലെ എന്ന ചിത്രത്തിലൂടെയാണ് മാളവിക മോഹനൻ വെള്ളിത്തിരയിൽ എത്തുന്നത്. മമ്മൂട്ടി ചിത്രം ദ ഗ്രേറ്റ് ഫാദർ, ആസിഫ് അലിയുടെ നായികയായി നിർണായകം എന്ന ചിത്രത്തിലും അഭിനയിച്ചു. മാത്യു തോമസിനൊപ്പം പ്രധാന വേഷത്തിൽ എത്തിയ ക്രിസ്റ്റി എന്ന ചിത്രത്തിലാണ് അവസാനമായി മലയാളത്തിൽ അഭിനയിച്ചത്. രജനികാന്ത് ചിത്രം പേട്ട, വിജയ് ചിത്രം മാസ്റ്റർ എന്നീ സിനിമകളിൽ ശ്രദ്ധേയ വേഷങ്ങൾ ചെയ്തു. ബോളിവുഡിലും സാന്നിദ്ധ്യം അറിയിച്ചിട്ടുണ്ട്. തമിഴിൽ തങ്കലാൻ ആണ് റിലീസിന് ഒരുങ്ങുന്ന ചിത്രം. വെട്രിമാരൻ സംവിധാനം ചെയ്യുന്ന ചിത്രത്തിൽ വിക്രം ആണ് നായകൻ. പാർവതി തിരുവോത്ത് ആണ് മറ്രൊരു പ്രധാന താരം.