പായൽ രാജ്പുത്തിനെ കേന്ദ്ര കഥാപാത്രമാക്കി അജയ് ഭൂപതി കഥയും തിരക്കഥയുമൊരുക്കി സംവിധാനം ചെയ്യുന്ന പാൻ ഇന്ത്യൻ ആക്ഷൻ ഹൊറർ ചിത്രം ചൊവ്വാഴ്ച്ച നവംബർ 17ന് തിയേറ്ററുകളിലെത്തും. ശ്രീതേജ്, ചൈതന്യ കൃഷ്ണ, അജയ് ഘോഷ്, ലക്ഷ്മൺ തുടങ്ങിയവരും പ്രധാന വേഷങ്ങളിൽ എത്തുന്നു. മുദ്ര മീഡിയ വർക്ക്‌സ്, എ ക്രിയേറ്റീവ് വർക്ക്സ് എന്നീ ബാനറുകളിൽ സ്വാതി റെഡ്ഡി ഗുണുപതി, സുരേഷ് വർമ്മ. എം, അജയ് ഭൂപതി എന്നിവർ ചേർന്നാണ് നിർമ്മാണം. ദാശരധി ശിവേന്ദ്ര ഛായാഗ്രഹണം നിർവഹിക്കുന്നു. സംഭാഷണം താജുദ്ദീൻ സയ്യിദ്, കല്യാൺ രാഘവ്. എഡിറ്റർ മാധവ് കുമാർ ഗുല്ലപ്പള്ളി. മലയാളം, തെലുങ്ക്, കന്നഡ, ഹിന്ദി, തമിഴ് ഭാഷകളിലായാണ് ചിത്രം ഒരുങ്ങുന്നത്. പി. ആർ. ഒ പി.ശിവപ്രസാദ്.