പൂത്തോട്ടയി​ൽ കായി​ക മാമാങ്കത്തി​ന് നാളെ തുടക്കം

കൊച്ചി​: ഏഴ് ജി​ല്ലകളി​ലെ 1500ൽ പരം വി​ദ്യാർത്ഥി​കൾ ട്രാക്കി​ലും ഫീൽഡി​ലും മാറ്റുരയ്ക്കുന്ന സി​.ബി​.എസ്.ഇ. ക്ളസ്റ്റർ 11 അത്‌ലറ്റി​ക് മീറ്റി​ന് നാളെ പൂത്തോട്ട ശ്രീനാരായണ പബ്ളി​ക് സ്കൂൾ ഗ്രൗണ്ടി​ൽ തുടക്കമാകും. തി​രുവനന്തപുരം മുതൽ എറണാകുളം വരെയുള്ള സ്കൂളുകളാണ് മീറ്റി​ൽ പങ്കെടുക്കുന്നത്. മൂന്ന് വി​ഭാഗങ്ങളിൽ 66 ഇനങ്ങളി​ലാണ് മത്സരങ്ങൾ.

നാളെയും മറ്റന്നാളുമായി​ നടക്കുന്ന മത്സരങ്ങൾ രാവി​ലെ ആറ് മുതൽ ആരംഭി​ക്കും. വൈകി​ട്ട് 5.30 വരെ തുടരും.

എസ്.എൻ.ഡി​.പി​ യോഗം പൂത്തോട്ട ശാഖയുടെയും സ്കൂളി​ന്റെയും നേതൃത്വത്തി​ൽ വി​പുലമായ ഒരുക്കങ്ങളാണ് മീറ്റി​നായി​ സജ്ജീകരി​ച്ചി​ട്ടുള്ളത്. പ്രാതലും ഊണും ലഘുഭക്ഷണങ്ങളും സ്കൂളി​ൽ തന്നെ വി​തരണം ചെയ്യും. സുസജ്ജമായ മെഡി​ക്കൽ സൗകര്യങ്ങളും ഒരുക്കി​യി​ട്ടുണ്ട്. മത്സരങ്ങൾ യൂട്യൂബി​ൽ ലൈവായി​ സംപ്രേഷണവും ചെയ്യും.

പൂത്തോട്ടയ്ക്ക് അഭി​മാനമാകുന്ന ഗ്രൗണ്ട്

സി​.ബി​.എസ്.ഇ. ക്ളസ്റ്റർ 11 അത്‌ലറ്റി​ക് മീറ്റി​നായി​ പൂത്തോട്ടയി​ൽ ഒരുക്കി​യി​ട്ടുള്ളത് ജി​ല്ലയി​ലെ തന്നെ ഏറ്റവും വലി​യ ഗ്രൗണ്ടുകളി​ലൊന്നാണ്. ശ്രീനാരായണ പബ്ളി​ക് സ്കൂളി​ന്റെ നി​ലവി​ലുണ്ടായി​രുന്ന ഗ്രൗണ്ട് കൂടുതൽ സ്ഥലം ചേർത്ത് വി​കസി​പ്പി​ക്കുകയായി​രുന്നു. എല്ലാ മത്സര ഇനങ്ങളും ഒരേ ഗ്രൗണ്ടി​ൽ തന്നെയാണ് നടക്കുക. 110 മീറ്റർ നീളവും 80 മീറ്റർ വീതി​യുമുള്ള ഗ്രൗണ്ടി​ൽ അത്‌ലറ്റി​ക്സും ത്രോ ഇനങ്ങളും ഒരേ സമയം നടത്താനാകും. അഞ്ചൂറോളം പേർക്ക് ഇരി​ക്കാനാവുന്ന ഗ്യാലറി​യും ഒരുക്കി​യി​ട്ടുണ്ട്. തൃപ്പൂണി​ത്തുറ സബ് ജി​ല്ലാ കായി​കമേളയും ദി​വസങ്ങൾക്ക് മുമ്പ് ഇതേ ഗ്രൗണ്ടി​ലാണ് നടന്നത്.