നാഷണൽ സർവീസ് സ്‌കീം പുരസ്‌കാര വിതരണം ഇന്ന്

തൃശൂർ: നാഷണൽ സർവീസ് സ്‌കീം പുരസ്‌കാര വിതരണം ഇന്ന് ഉച്ചയ്ക്ക് 1. 30ന് വിമല കോളേജിൽ നടക്കും. മന്ത്രി ഡോ.ആർ.ബിന്ദു ഉദ്ഘാടനം നിർവഹിക്കും. സിനിമാതാരം അപർണ ബാലമുരളി വിശിഷ്ടാതിഥിയാകും. മേയർ എം.കെ.വർഗീസ്, പി.ബാലചന്ദ്രൻ എം.എൽ.എ, ജില്ലാ പഞ്ചായത്ത് പ്രസിഡന്റ് പി.കെ.ഡേവിസ് മാസ്റ്റർ, ടി.എൻ.പ്രതാപൻ എം.പി എന്നിവർ പങ്കെടുക്കും. സംസ്ഥാന തലത്തിൽ ഏറ്റവും മികച്ച യൂണിറ്റുകൾ, ഓഫീസർമാർ, വോളന്റിയർമാർ, യൂണിവേഴ്‌സിറ്റികൾ, ഡയറക്ടറേറ്റുകൾ എന്നിവയ്ക്ക് സംസ്ഥാന സർക്കാർ ഏർപ്പെടുത്തിയ പുരസ്‌കാരങ്ങളാണ് വിതരണം ചെയ്യുക. പത്രസമ്മേളനത്തിൽ സ്റ്റേറ്റ് എൻ.എസ്.എസ് ഓഫീസർ ഡോ.ആർ.എൻ.അൻസാർ, രഞ്ജിത്ത് വർഗീസ്, അർജുൻ രാജീവ് എന്നിവർ പങ്കെടുത്തു.