ബാലാവകാശ വാരാചരണം

കോട്ടയം : ബാലാവകാശ വാരാചരണത്തിന്റെ സമാപന സമ്മേളനം പള്ളം ബ്ലോക്ക് പഞ്ചായത്ത് പ്രസിഡന്റ് പ്രൊഫ. ടോമിച്ചൻ ജോസഫ് ഉദ്ഘാടനം ചെയ്തു. അഡീഷണൽ ജില്ലാ മജിസ്‌ട്രേറ്റ് ജി. നിർമൽ കുമാർ അദ്ധ്യക്ഷനായിരുന്നു. ചടങ്ങിൽ ഉജ്ജ്വല ബാല്യം പുരസ്‌ക്കാര ജേതാക്കളെ അനുമോദിച്ചു. വിവിധ മത്സരജേതാക്കൾക്ക് സമ്മാനങ്ങളും വിതരണം ചെയ്തു. ജില്ലാ പഞ്ചായത്തംഗം പി.കെ. വൈശാഖ്, വെള്ളാവൂർ പഞ്ചായത്ത് പ്രസിഡന്റ് ടി.എസ്. സുജിത്ത്, ജില്ലാ ശിശു സംരക്ഷണ ഓഫീസർ എം.ആർ ബിന്ദു, ജില്ലാ വനിതാ ശിശു വികസന ഓഫീസർ ജെബിൻ ലോലിത സെയിൻ എന്നിവർ പങ്കെടുത്തു. ചിങ്ങവനം മാർഷ്യൽ ആർട്ട്‌സ് സെന്ററിലെ കുട്ടികളുടെ മാർഷ്യൽ ആർട്‌സ് പ്രദർശനവും പരിപാടിയിൽ അരങ്ങേറി.