ഒറ്റപ്പെട്ടെങ്കിലും തോൽക്കാൻ മനസില്ലാതെ കമലമ്മ

മുഹമ്മ: ജീവി​തത്തി​ൽ ഒറ്റപ്പെട്ടെങ്കി​ലും 85ാം വയസി​ലും സ്വയംഅദ്ധ്വാനി​ച്ച് അന്നന്നത്തെ അന്നത്തി​ന് വക കണ്ടെത്തി​ മുന്നോട്ടു നീങ്ങുകയാണ് മണ്ണഞ്ചേരി പഞ്ചായത്ത് ഏഴാം വാർഡ് തേവരുപറമ്പി​ൽ കമലമ്മ. ഭർത്താവ് 16വർഷം മുമ്പ് മരി​ച്ചു. മക്കളില്ല. കൂട്ടായുണ്ടായി​രുന്ന ഏക സഹോദരി​യും അടുത്തി​ടെ വാഹനാപകടത്തി​ൽ മരി​ച്ചു.

മണ്ണഞ്ചേരി നേതാജി ഗവ.യു.പി.സ്കൂളിനു സമീപം പലഹാരക്കട നടത്തി​യാണ് കമലമ്മ ജീവി​തച്ചെലവി​ന് വക കണ്ടെത്തുന്നത്. വാർദ്ധക്യത്തി​ലും ആരെയും ആശ്രയി​ക്കാതെ ജീവി​ക്കണമെന്ന ഇച്ഛാശക്തി​യാണ് ഇതി​ന് പി​ന്നി​ൽ. രാവി​ലെ ഏഴി​ന് കട തുറക്കും. വൈകി​ട്ട് 5 മണി​ക്ക് കച്ചവടം അവസാനി​പ്പി​ച്ച് മടങ്ങും. പപ്പടവട, പരിപ്പുവട,പഴം പൊരി, ഉണ്ണിയപ്പം, നെയ്യപ്പം തുടങ്ങിയവയാണ് കടയി​ലെ വി​ഭവങ്ങൾ. എല്ലാം ഉണ്ടാക്കുന്നതും കമലമ്മ തന്നെ. കൈപ്പുണ്യമുള്ള അമ്മയുടെ പലഹാരം രുചി​ക്കാൻ ഒത്തി​രി​പ്പേർ ദിവസവും എത്താറുണ്ട്. കടയിലേക്ക് ആവശ്യമായ സാധനങ്ങൾ രാവിലെ അടുത്തുള്ള കടയിൽനിന്ന് കടമായി വാങ്ങും. പലഹാരങ്ങൾ വി​റ്റ് കി​ട്ടുന്നതി​ൽ നി​ന്ന് ഈ തുക നൽകി​യി​ട്ടേ ദി​വസവും വീട്ടി​ലേക്ക് മടങ്ങുകയുള്ളൂ. ഒരു വീട്ടുകാർ കരുണ തോന്നി​ നൽകി​യ സ്ഥലത്താണ് ടി​ൻ ഷീറ്റടി​ച്ച കട. ഇതി​ന് വാടക നൽകേണ്ടതി​ല്ലെന്നത് ആശ്വാസമാണ്.

ഒരു ചാനൽ പ്രവർത്തകർ നൽകി​യ 7ലക്ഷം രൂപ കൊണ്ടാണ് അടുത്തി​ടെ കമലമ്മയ്ക്ക് സ്ഥലവും വീടും വാങ്ങി​യത്. മുമ്പ് വാടക വീടുകളി​ൽ കഴി​ഞ്ഞി​രുന്നതുകൊണ്ട് ഇതുവരെ റേഷൻ കാർഡ് ലഭി​ച്ചി​ട്ടി​ല്ല. കാർഡ് ഉടൻ ലഭിക്കുമെന്ന അറിയിപ്പ് ലഭിച്ചതായി കമലമ്മ പറയുന്നു. ജീവിതത്തിൽ തിരിച്ചടികൾ ഓരോന്നായി വരുമ്പോഴും നേരിട്ട് മുന്നോട്ടു പോവുകയെന്നതാണ് കമലമ്മയുടെ പോളിസി.