ജനുവരി 6ന് ഗുരുവായൂർ നട നേരത്തെ അടയ്ക്കും

ഗുരുവായൂർ: ഗുരുവായൂർ ക്ഷേത്രത്തിലെ ഉപദേവതയായ ഇടത്തരികത്തു കാവിൽ ഭഗവതിക്ക് നാട്ടുകാരുടെ വക പിള്ളേരുതാലപ്പൊലി നടക്കുന്നതിനാൽ ജനുവരി 6ന് ഉച്ചയ്ക്കും രാത്രിയും നേരത്തെ നടയടയ്ക്കും. ഉച്ചയ്ക്ക് രണ്ടര മണിക്കൂർ നേരത്തേ 11.30ന് നടയടയ്ക്കും. വൈകിട്ട് മൂന്നരയ്ക്കു ശേഷം തുറക്കും. ശ്രീകോവിൽ അടച്ചിരിക്കുമ്പോൾ ചോറൂൺ, തുലാഭാരം, വിവാഹം, വാഹനപൂജ എന്നിവ നടക്കില്ല. നടയടച്ച ശേഷം ഉച്ചയ്ക്ക് 12ന് പഞ്ചവാദ്യത്തിന്റെ അകമ്പടിയിൽ ഭഗവതിയുടെ എഴുന്നള്ളിപ്പ് ആരംഭിക്കും. രാത്രി ഒരു മണിക്കൂർ നേരത്തെ 9.30നാവും നടയടക്കുന്നത്.