ആശാവർക്കർമാർക്ക് 1,​000രൂപ വേതന വർദ്ധന

തിരുവനന്തപുരം: ആശാവർക്കർമാർക്ക് 1,​000രൂപ വേതന വർദ്ധനവിന്റെ ഉത്തരവിറങ്ങി. ഡിസംബറിലാണ് വർദ്ധന പ്രഖ്യാപിച്ചിരുന്നത്. ഇതോടൊപ്പം രണ്ടുമാസത്തെ കുടിശ്ശികയും നൽകും. ഡിസംബർ മുതൽ മുൻകാല പ്രബല്യത്തോടെയാണ് വർദ്ധന. ഇതോടെ കുറഞ്ഞ പ്രതിമാസ ഓണറേറിയം 7,​000 രൂപയാകും. കേന്ദ്ര സർക്കാർ ഇൻസെന്റീവായ 2,​000രൂപയും കിട്ടും. കുടിശ്ശിക നൽകാൻ 31.35കോടി ധനവകുപ്പ് ഇന്നലെ അനുവദിച്ചു. ദേശീയ ആരോഗ്യ ഗ്രാമീണദൗത്യത്തിന് കീഴിൽ സംസ്ഥാനത്ത് 26,​125 ആശാവർക്കർമാരാണുള്ളത്.