ക്യാൻസർ രോഗനിർണയ പരിശോധനാ പദ്ധതി

വെ​ച്ചൂർ: വെച്ചൂർ ഗ്രാമപഞ്ചായത്തിന്റെ 2023-,24 വാർഷിക പദ്ധതിയിൽ ഉൾപ്പെടുത്തി നടപ്പിലാക്കുന്ന വനിതകൾക്കായുള്ള ക്യാൻസർ രോഗനിർണയ പരിശോധനാ പദ്ധതിയായ ക്യാൻ കോട്ടയത്തിന്റെ ഭാഗമായി കുടവെച്ചൂർ ദേവിവിലാസം ഹൈസ്‌കൂളിൽ ക്യാമ്പ് സംഘടിപ്പി​ച്ചു. ഗ്രാമപഞ്ചായത്ത് പ്രസി​ഡന്റ് കെ.ആർ ഷൈലകുമാർ ഉദ്ഘാടനം ചെയ്തു. വൈസ് പ്രസി​ഡന്റ് ബിൻസി ജോസഫ് അദ്ധ്യക്ഷത വഹിച്ചു. ആരോഗ്യ സ്റ്റാന്റിംഗ് കമ്മിറ്റി ചെയർ​മാൻ പി.കെ മണിലാൽ, വാർഡ് മെമ്പർമാ​രായ മറിയക്കുട്ടി, സ്വപ്ന എന്നിവർ പങ്കെടുത്തു. ചേർത്തല പ്രത്യാശ ക്യാൻസർ കെയർ സെന്ററിലെ ഡോ.സുരിജ് സാലി ക്യാൻസ​റിനെകുറിച്ച് ബോധവൽക്കരണ ക്ലാസ നടത്തി. ഇടയാഴം സാമൂഹികാരോഗ്യ കേന്ദ്രം മെ​ഡിക്കൽ ഓഫീസർ ഡോ.കെ.ബി ഷാഹുലിന്റെ നേതൃത്വത്തിൽ ചേർത്തല പ്രത്യാശ ക്യാൻസർ കെയർ സെന്ററിന്റെ സഹകരണത്തോടെ നടത്തിയ ക്യാമ്പിൽ ആരോഗ്യപ്രവർ​ത്തകർ, ആശാപ്രവർത്തകർ എന്നിവർ പങ്കെടുത്തു. തുടർചികിത്സ ആവശ്യമുള്ളവർ​ക്ക് അൾ​ട്രാ സൗണ്ട്, മാമോഗ്രാം എന്നീ പരിശോധ​നകൾ സൗജന്യമായി ലഭിക്കുന്നതാണെന്നും അറിയിച്ചിട്ടു​ണ്ട്.