ന്യൂഡൽഹി: പശ്‌ചിമ ബംഗാളിലെ സന്ദേശ്ഖാലിയിൽ സ്‌ത്രീകൾക്കെതിരെ നടന്ന അതിക്രമം ലജ്ജിപ്പിക്കുന്നതാണെന്നും അത് തൃണമൂലിന് തിരഞ്ഞെടുപ്പിൽ തിരിച്ചടിയാകുമെന്നും പ്രധാനമന്ത്രി നരേന്ദ്രമോദി പറഞ്ഞു. തൃണമൂൽ നേതാവും മുഖ്യമന്ത്രിയുമായ മമതാ ബാനർജിയെയും 'ഇന്ത്യ' മുന്നണിയെയും കടന്നാക്രമിച്ചായിരുന്നു ബംഗാളിലെ അരംബാഗിൽ മെഗാറാലിയിൽ മോദിയുടെ പ്രസംഗം.

പ്രത്യേക വോട്ട് ബാങ്ക് ലക്ഷ്യമിട്ടുള്ള തൃണമൂലിന്റെ പ്രീണന നയം തെരഞ്ഞെടുപ്പിൽ തകരും. മുസ്ലീം സ്ത്രീകൾ വൻതോതിൽ ബി.ജെ.പിക്ക് വോട്ട് ചെയ്യും. ബംഗാൾ ജനത, പ്രത്യേകിച്ച് സ്‌ത്രീകൾ സന്ദേശ്ഖാലിയിലെ ആക്രമണങ്ങൾക്ക് വോട്ടിലൂടെ മറുപടി നൽകും. സന്ദേശ്ഖാലിയിലെ സഹോദരിമാരോട് തൃണമൂൽ കോൺഗ്രസ് എന്താണ് ചെയ്തതെന്ന് രാജ്യം കണ്ടു. സംഭവത്തിൽ രാജാറാം മോഹൻ റായിയുടെ ആത്മാവ് വേദനിച്ചിരിക്കണം.

അവിടെ തൃണമൂൽ നേതാവ് ഷാജഹാൻ ഷെയ്ഖ് എല്ലാ പരിധിയും ലംഘിച്ചു.

ഭരണകക്ഷി അയാളെ രക്ഷിക്കാൻ ശ്രമിച്ചു. സ്ത്രീകളുടെ ബഹുമാനത്തിനും അന്തസ്സിനും വേണ്ടി പോരാടിയ ബി.ജെ.പി നേതാക്കളുടെ ഇടപെടലാണ് അയാളുടെ അറസ്റ്റിലേക്ക് നയിച്ചത്. സംഭവത്തിൽ 'ഇന്ത്യ' സഖ്യത്തിലെ ഉന്നതർ ഗാന്ധിജിയുടെ മൂന്ന് കുരങ്ങന്മാരെപ്പോലെ മൗനംപാലിച്ചു. ബംഗാളി​ൽ ഇതൊക്കെ നടക്കുമെന്നാണ് കോൺഗ്രസ് മേധാവിയുടെ നി​ലപാട്. അഴിമതിക്കാരെയും രാജവംശങ്ങളെയും മാത്രമാണ് 'ഇന്ത്യ' സഖ്യം അനുകൂലിക്കുന്നത്.

ബംഗാളിലെ ജനങ്ങൾക്കായി ആവിഷ്‌കരിച്ച കേന്ദ്രത്തിന്റെ എല്ലാ പദ്ധതികളും തൃണമൂൽ സർക്കാർ തടയുകയാണ്. സംസ്ഥാനത്ത് അഴിമതിയുടെയും കുറ്റകൃത്യങ്ങളുടെയും പുതിയ മാതൃക സ്ഥാപിച്ചു. അവർ കൊള്ളയടിച്ച ബംഗാളിലെ മുതൽ കണ്ടുകെട്ടുമെന്ന് മോദി ഗാരന്റി നൽകുന്നു.

മറ്റൊരു ചടങ്ങിൽ റെയിൽ, തുറമുഖങ്ങൾ, എണ്ണ പൈപ്പ് ലൈൻ, എൽപിജി, മലിനജല സംസ്കരണം തുടങ്ങി 7,200 കോടി രൂപയുടെ പദ്ധതികളുടെ ഉൽഘാടനവും

ശിലാസ്ഥാപനവും പ്രധാനമന്ത്രി നിർവഹിച്ചു.

ഗവർണർ ഡോ.സി.വി. ആനന്ദ ബോസ്, കേന്ദ്ര തുറമുഖ, ഷിപ്പിംഗ് സഹമന്ത്രി ശന്തനു താക്കൂർ തുടങ്ങിയവർ പങ്കെടുത്തു.

ജാ​ർ​ഖ​ണ്ഡി​നെ​ ​അ​ഴി​മ​തി​ക്കാർ
ന​ശി​പ്പി​ച്ചു​

ജാ​ർ​ഖ​ണ്ഡി​ലെ​ ​ജെ.​എം.​എം​-​കോ​ൺ​ഗ്ര​സ് ​സ​ഖ്യം​ ​വി​ക​സ​ന​ ​വി​രോ​ധി​ക​ളും​ ​അ​ഴി​മ​തി​ക്കാ​രു​മാ​ണെ​ന്നും​ ​അ​വ​ർ​ ​സം​സ്ഥാ​ന​ത്തെ​ ​ന​ശി​പ്പി​ച്ചെ​ന്നും​​ ​മോ​ദി പറഞ്ഞു.​ ​അ​വ​ർ​ ​ഭ​ര​ണ​ത്തി​ൽ​ ​ക​യ​റി​യ​തു​ ​മു​ത​ൽ​ ​സം​സ്ഥാ​ന​ത്തി​ന്റെ​ ​സ്ഥി​തി​ ​വ​ഷ​ളാ​യി.​ ​നേ​താ​ക്ക​ൾ​ക്ക് ​സ്വ​ന്തം​ ​കീ​ശ​ ​നി​റ​യ്‌​ക്ക​ൽ​ ​മാ​ത്ര​മാ​ണ് ​ല​ക്ഷ്യ​മെ​ന്നും​ ​ധ​ൻ​ബാ​ദി​ൽ​ ​ന​ട​ന്ന​ ​​സ​മ്മേ​ള​ന​ത്തി​ൽ​ ആ​രോ​പി​ച്ചു. ​ദ്രു​ത​ഗ​തി​യി​ലു​ള്ള​ ​വി​ക​സ​ന​ത്തി​ന്,​ ​സ​ത്യ​സ​ന്ധ​മാ​യ​ ​സ​ർ​ക്കാർ ​ ​പ്ര​ധാ​ന​മാ​ണ്.​ ​ഇ​വി​ടെ​ ​കൊ​ള്ള​യ​ടി​ക്ക​ൽ​ ​വ​ർ​ദ്ധി​ച്ചു.​ ഭരിക്കുന്നവർ ​ജ​ന​ങ്ങ​ളു​ടെ​ ​അ​വ​കാ​ശ​ങ്ങ​ൾ​ ​ത​ട്ടി​യെ​ടു​ത്ത് ​ആ​സ്വ​ദി​ക്കു​കയാണ്.
ജെ.​എം.​എം​-​കോ​ൺ​ഗ്ര​സ് ​നേ​താ​ക്ക​ൾ​ ​അ​വ​രു​ടെ​ ​നി​ല​വ​റ​ക​ൾ​ ​നി​റ​യ്ക്കു​ന്ന​ ​തി​ര​ക്കി​ലാ​ണ്.​ ​ഇവിടുത്തെ​ ​അ​ഴി​മ​തി​യു​ടെ​ ​പ്ര​തീ​ക​മാ​ണ് ​കേ​ന്ദ്ര​ ​ഏ​ജ​ൻ​സി​ക​ൾ​ ​പി​ടി​ച്ചെ​ടു​ത്ത​ ​ക​ള്ള​പ്പ​ണം.​ ​നാം​ ​ക​ൽ​ക്ക​രി​ ​കൂ​മ്പാ​ര​ങ്ങ​ൾ​ ​ക​ണ്ടി​ട്ടു​ണ്ട്.​ ​പ​ക്ഷേ​ ​പ​ണ​ത്തി​ന്റെ​ ​കൂ​മ്പാ​രം​ ​ആ​ദ്യ​മാ​യി​ ​ക​ണ്ടു.
അ​ത് ​ജ​ന​ങ്ങ​ളു​ടെ​ ​പ​ണ​മാ​ണ്.​ ​അ​ത് ​തി​രി​കെ​ ​ന​ൽ​കു​മെ​ന്ന​ത് ​മോ​ദി​യു​ടെ​ ​ഉ​റ​പ്പാണ്.​ ​​പ്ര​ശ്‌​ന​ങ്ങ​ൾ​ ​പ​രി​ഹ​രി​ക്കാ​നു​ള്ള​ ​കേ​ന്ദ്ര​ ​ന​യ​ങ്ങ​ളെ​ ​സം​സ്ഥാ​ന​ ​സ​ർ​ക്കാ​ർ​ ​ത​ട​സ്സ​പ്പെ​ടു​ത്തു​ന്നു.​ ​പാ​വ​പ്പെ​ട്ട​വ​ർ​ക്ക് ​വീ​ട് ​നി​ർ​മ്മി​ക്കു​ന്ന​ ​പ​ദ്ധ​തി​ക്ക് ​ത​ട​യി​ടു​ന്നെ​ന്നും​ ​മോ​ദി​ ​ആ​രോ​പി​ച്ചു.
ധ​ൻ​ബാ​ദി​ൽ​ ​മോ​ദി​ 35,700​ ​കോ​ടി​ ​രൂ​പ​യു​ടെ​ ​വി​വി​ധ​ ​വി​ക​സ​ന​ ​പ​ദ്ധ​തി​ക​ൾ​ക്കു​ ​ത​റ​ക്ക​ല്ലി​ടു​ക​യും​ ​രാ​ജ്യ​ത്തി​നു​ ​സ​മ​ർ​പ്പി​ക്കു​ക​യും​ ​ചെ​യ്തു.