SignIn
Kerala Kaumudi Online
Wednesday, 18 September 2019 5.16 AM IST

നെടുങ്കണ്ടം കസ്റ്റഡി മരണം: അന്വേഷണം നിഷ്പക്ഷമല്ലെന്ന് ഹൈക്കോടതി

hc

കൊച്ചി: നെടുങ്കണ്ടം കസ്റ്റഡി മരണക്കേസിൽ പൊലീസ് അന്വേഷണം നിഷ്‌പക്ഷമാണെന്ന് കരുതുന്നില്ലെന്നും ചില കണ്ണികൾ വിട്ടുപോയിട്ടുണ്ടെന്നും ഹൈക്കോടതി വാക്കാൽ പറഞ്ഞു. ഒന്നാം പ്രതി എസ്.ഐ കെ.എ. സാബുവിന്റെ ജാമ്യാപേക്ഷ പരിഗണിക്കുന്ന സിംഗിൾബെഞ്ചി​ന്റേതാണ് വിമർശനം. രാജ്കുമാറിനെ മജിസ്ട്രേട്ടിനു മുന്നിൽ ഹാജരാക്കിയപ്പോൾ പൊലീസ് ഉപദ്രവിച്ചോയെന്ന് ചോദിച്ചോ, ഇതിനു എന്തു മറുപടിയാണ് ലഭി​ച്ചത് എന്നീ വിവരങ്ങൾ ഉൾപ്പെടുന്ന മജിസ്ട്രേട്ട് കോടതിയുടെ നടപടി രേഖകൾ ഹാജരാക്കാൻ നിർദ്ദേശിച്ച ഹൈക്കോടതി ഹർജി ഇന്നു പരിഗണിക്കാൻ മാറ്റി.

ഇന്നലെ ഹർജി പരിഗണിക്കുമ്പോൾ നിലവിലെ കേസന്വേഷണത്തെ സംരക്ഷിക്കാനാണ് പ്രോസിക്യൂഷൻ ശ്രമിക്കുന്നതെന്നും രാജ്കുമാറിനെ പരിശോധിച്ച ഡോക്ടർ, ജയിൽ സൂപ്രണ്ട് എന്നിവരടക്കമുള്ളവരുടെ ഭാഗത്ത് വീഴ്ചയുണ്ടായെന്ന് സംശയിക്കുന്നതായും ഹൈക്കോടതി പറഞ്ഞു. സ്റ്റേഷനിലെ സി.സി.ടി.വി ദൃശ്യങ്ങൾ പരിശോധിച്ചോയെന്ന ചോദ്യത്തിന് അകത്തെ ദൃശ്യങ്ങൾ സി.സി.ടി.വിയിൽ ദൃശ്യമല്ലെന്നാണ് പൊലീസ് മറുപടി നൽകിയത്. ഇത് സംശയത്തിനിട നൽകുന്നെന്ന് സിംഗിൾ ബെഞ്ച് അഭിപ്രായപ്പെട്ടു. സാബു 35 ദിവസമായി കസ്റ്റഡിയിലാണ്. ഇയാളെ ഇനിയും കസ്റ്റഡിയിൽ വെക്കേണ്ട കാര്യമെന്താണെന്നും ഹൈക്കോടതി ചോദിച്ചു. പ്രതികളായ പൊലീസുകാർ അന്വേഷണം തടസപ്പെടുത്താൻ ശ്രമിക്കുന്നെന്നും ജാമ്യം നൽകുന്നത് അന്വേഷണത്തെ ബാധിക്കുമെന്നും പ്രോസിക്യൂഷൻ വ്യക്തമാക്കി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CUSTODY DEATH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.