അക്ഷര ജാഥയ്ക്ക് സ്വീകരണം

കുറുപ്പംപടി : പ്ലാറ്റിനം ജൂബിലി ആഘോഷിക്കുന്ന തുരുത്തി ഗ്രാമോദ്ധാരണ വായനശാലയിലെ ഡിജിറ്റിൽ പുസ്തക കൂട്ടത്തിലേക്ക് എം.എൽ.എ യുടെ ആസ്തി വികസന ഫണ്ടിൽ നിന്ന് പുസ്തകങ്ങൾ സമ്മാനമായി നൽകി. എൽദോസ് കുന്നപ്പിള്ളി എം.എൽ.എ സ്വീകരണ സമ്മേളനം ഉദ്ഘാടനം ചെയ്തു. മുടക്കുഴ പഞ്ചായത്ത് പ്രസിഡന്റ് പി.പി. അവറാച്ചൻ അദ്ധ്യക്ഷനായി. വായനാശാലാ പ്രസിഡന്റ് കെ.എം. വിനോജ്, വൈസ് പ്രസിഡന്റ് എ.ബി. സനികുമാർ, മുൻ പ്രസിഡന്റ് ടി.ജോസഫ് വായന പൂർണിമ കോ-ഓർഡിനേറ്റർ ഇ.വി. നാരായണൻ വായനാശാലാ സെക്രട്ടറി കെ.വി. എൽദോഎന്നിവർ സംസാരിച്ചു.