എം.ഡി.എം.എ യുമായി യുവതികൾ പിടിയിൽ

കൊച്ചി: വിൽപ്പനയ്‌ക്കായി സൂക്ഷിച്ചിരുന്ന 4.9362 ഗ്രാം എം.ഡി.എം.എയുമായി രണ്ട് യുവതികൾ പിടിയിൽ. ആലപ്പുഴ അരൂർ വെള്ളിക്കുന്നത്ത് വീട്ടിൽ ഗായത്രി അനിൽകുമാർ (19), പത്തനംതിട്ട പെരുംപെട്ടി സ്വദേശി പി.ആർ. ബിജിമോൾ (22) എന്നിവരെയാണ് കൊച്ചി സിറ്റി പൊലീസ് പിടികൂടിയത്. കൊച്ചി സിറ്റി ഡെപ്യൂട്ടി പൊലീസ് കമ്മിഷണർ അശ്വതി ജിജിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പോണേക്കര ഭാഗത്തുളള നന്ദനം ഇൻ ലോഡ്ജിൽ നാർക്കോട്ടിക് സെൽ എ.സി.പി കെ.എ. അബ്ദുൽസലാമിന്റെ നേതൃത്വത്തിലുളള ഡാൻസാഫ് ടീം നടത്തിയ പരിശോധനയിലാണ് ഇരുവരും പിടിയിലായത്.