@ മരുന്ന് പ്രതിസന്ധി രൂക്ഷം മെഡി. കോളേജിൽ ജീവൻകൊണ്ട് കളി !

വിതരണം നിലച്ചിട്ട് അഞ്ച് ദിവസം

കോഴിക്കോട്: കുടിശ്ശികയുടെ പേരിൽ മെഡിക്കൽ കോളേജിലെ മരുന്ന് വിതരണം നിലച്ചിട്ട് അഞ്ച് ദിവസം പിന്നിട്ടിട്ടും അധികൃതരുടെ അനങ്ങാപ്പാറ നയത്തിൽ ദുരിതത്തിലായത് ആയിരക്കണക്കിന് ന് രോഗികൾ. ആശുപത്രി വികസന സൊസെെറ്റിക്ക് കീഴിലുള്ള ന്യായവില മെഡിക്കൽ സ്റ്റോറുകളിൽ മരുന്നുകളുടെ സ്റ്രോക്ക് ഇന്നലെയോടെ ഏതാണ്ട് തീർന്ന സ്ഥിതിയാണ്. അത്യാവശ്യ മരുന്നുകൾ മാത്രമാണ് നിലവിലുള്ളത്. ഇതോടെ കാർഡിയോളജി, ഡയാലിസിസ് രോഗികൾ ആശങ്കയിലാണ്.

ജീവൻ രക്ഷാമരുന്നുകൾ, ശസ്ത്രക്രിയ ഉപകരണങ്ങൾ, ഫ്ളൂയിഡുകൾ തുടങ്ങിയവ വിതരണം ചെയ്ത വകയിൽ ഇക്കഴിഞ്ഞ ഏപ്രിൽ മുതൽ ഡിസംബർ വരെ 90കോടിയോളം രൂപയാണ് വിതരണക്കാർക്ക് മെഡിക്കൽ കോളേജ് നൽകാനുള്ളത്. 10 മുതൽ കരാറുകാർ മരുന്ന് വിതരണം നിർത്തി. ശനിയാഴ്ച ഏപ്രിൽ മാസത്തെ കുടിശ്ശിക ആറ് കോടി കൊടുത്തെങ്കിലും ഒക്ടോബർ വരെയുള്ള കുടിശ്ശിക ലഭിക്കാതെ വിതരണം പുനരാരംഭിക്കില്ലെന്ന കടുത്ത നിലപാടിലാണ് ആൾ കേരള കെമിസ്റ്റ് ആൻഡ് ഡ്രഗ്ഗിസ്റ്റ് അസോസിയേഷൻ.

മരുന്നിനായി നെട്ടോട്ടം

കാരുണ്യ ആരോഗ്യ ഇൻഷ്വറസ് വഴി ലഭിക്കുന്ന സർജറി അടക്കമുള്ള ചികിത്സകളും മരുന്ന് വിതരണവും മുടങ്ങി. ജനറൽ മെഡിസിനുകളും പ്രഷർ, ഷുഗർ മരുന്നുകളും സ്റ്റോക്കില്ല.ഇതോടെ രോഗികൾ പുറത്ത് സ്വകാര്യ മെഡിക്കൽ സ്റ്റോറുകളെ ആശ്രയിക്കേണ്ട സ്ഥിതിയാണ്. ഡോക്ടർ എഴുതുന്ന കുറിപ്പുമായി ന്യായവില മെഡിക്കൽ ഷോപ്പിൽ എത്തുന്ന രോഗികൾ മരുന്ന് ലഭിക്കാതെ വട്ടം കറങ്ങുകയാണ്. ഡയാലിസിസ് ചെയ്യാൻ നേരത്തെ ഓരാഴ്ചത്തേക്കുള്ള മരുന്നുകൾ എത്തിക്കുമായിരുന്നു. എന്നാൽ അതാത് ദിവസത്തേക്കുള്ള മരുന്നുകൾ മാത്രമാണ് നൽകുന്നത്. ഫിൽട്ടർ, ഇ‌ഞ്ചക്ഷൻ ട്യൂബുകൾ എന്നിവയും കുറഞ്ഞു തുടങ്ങി. വരും ദിവസങ്ങളിൽ അതും തീർന്നാൽ പ്രതിസന്ധി രൂക്ഷമാകുമെന്ന് ഡോക്ടർമാർ പറഞ്ഞു. ഒരു ദിവസം 50 പേർക്കാണ് ഡയാലിസ് ചെയ്യുന്നത്. കാൻസർ രോഗികൾക്കുള്ള പല മരുന്നുകളും തീർന്നു. യൂറോളജി, നെഫ്രോളജി, ഓർത്തോ വിഭാഗങ്ങൾക്ക് വേണ്ട വിവിധ ഉപകരണങ്ങളുടെ വിതരണവും നിലച്ചു. സർജിക്കൽ ഉപകരണങ്ങളുടെ വിതരണം നിർത്തിവച്ചതോടെ ഗ്ലൗസ്, സൂചി, കൈയുറ, കോട്ടൺ, നൂല്, സിറിഞ്ച് എന്നിവയ്ക്കും ക്ഷാമം അനുഭവപ്പെട്ടു തുടങ്ങി. സർജിക്കൽ സ്റ്റോറിലും ഇംപ്ലാന്റ് സ്റ്റോക്ക് കുറഞ്ഞുതുടങ്ങി.ശസ്ത്രക്രിയ ഉപകരണങ്ങൾ ആശുപത്രി വികസന സമിതിയുടെ സ്റ്റോറിൽ ഇല്ലാത്തതിനാൽ വൻതുക കൊടുത്ത് പുറത്ത് നിന്ന് വാങ്ങേണ്ട സ്ഥിതിയിലാണ് രോഗികൾ.

''സമരം ഒത്തുതീർപ്പാക്കാൻ സർക്കാർ അടിയന്തരമായി ഇടപെടണം''- സന്തോഷ് കുമാർ, വെെസ് പ്രസി.

ആൾ കേരള കെമിസ്റ്റ് ആൻഡ് ഡ്രഗിസ്റ്റ് അസോസിയേഷൻ

ആ​രോ​ഗ്യ​ ​മ​ന്ത്രി​ ​രാ​ജി​വ​യ്ക്ക​ണം:
അ​ഡ്വ.​കെ.​പ്ര​വീ​ൺ​ ​കു​മാർ

കോ​ഴി​ക്കോ​ട് ​:​ ​മെ​ഡി.​ ​കോ​ള​ജി​നോ​ടു​ള്ള​ ​സ​ർ​ക്കാ​ർ​ ​അ​വ​ഗ​ണ​ന​ ​അ​വ​സാ​നി​പ്പി​ക്കു​ക,​ ​രോ​ഗി​ക​ൾ​ക്ക് ​അ​ടി​യ​ന്ത​ര​മാ​യി​ ​മ​രു​ന്ന് ​എ​ത്തി​ക്കു​ക​ ​തു​ട​ങ്ങി​യ​ ​ആ​വ​ശ്യ​ങ്ങ​ൾ​ ​ഉ​ന്ന​യി​ച്ച് ​കോ​ഴി​ക്കോ​ട് ​ഡി.​സി.​സി.​യു​ടെ​ ​നേ​തൃ​ത്വ​ത്തി​ൽ​ ​പ്രി​ൻ​സി​പ്പ​ൽ​ ​ഓ​ഫീ​സി​നു​ ​മു​ന്നി​ൽ​ ​പ്ര​തി​ഷേ​ധ​ ​കൂ​ട്ടാ​യ്‌​മ​ ​സം​ഘ​ടി​പ്പി​ച്ചു.
ഡി.​സി.​സി​ ​പ്ര​സി​ഡ​ന്റ് ​അ​ഡ്വ.​ ​കെ.​പ്ര​വീ​ൺ​ ​കു​മാ​ർ​ ​ഉ​ദ്ഘാ​ട​നം​ ​ചെ​യ്തു.​ ​റ​ഫ​റ​ൽ​ ​സം​വി​ധാ​ന​മു​ള്ള​ ​മെ​ഡി​ക്ക​ൽ​ ​കോ​ളേ​ജി​ൽ​ ​ചി​കി​ത്സ​ ​തേ​ടി​യെ​ത്തു​ന്ന​ ​പാ​വ​പ്പെ​ട്ട​ ​രോ​ഗി​ക​ൾ​ക്ക് ​മ​രു​ന്ന് ​എ​ത്തി​ക്കാ​ൻ​ ​ക​ഴി​യാ​ത്ത​ ​ആ​രോ​ഗ്യ​ ​മ​ന്ത്രി​ ​രാ​ജി​വെ​ക്ക​ണ​മെ​ന്ന് ​അ​ദ്ദേ​ഹം​ ​പ​റ​ഞ്ഞു.​ ​​അ​ത്യാ​ഹി​തം​ ​സം​ഭ​വി​ച്ച് ​കാ​ഷ്വാ​ലി​റ്റി​യി​ൽ​ ​ചി​കി​ത്സ​ക്കാ​യി​ ​എ​ത്തു​മ്പോ​ൾ​ ​മു​റി​വ് ​കെ​ട്ടാ​നു​ള്ള​ ​ബാ​ൻ​ഡേ​ജ് ​വ​രെ​ ​പു​റ​ത്തു​ ​നി​ന്ന് ​വാ​ങ്ങേ​ണ്ട​ ​ദ​യ​നീ​യ​ ​അ​വ​സ്‌​ഥ​യാ​ണു​ള്ള​ത്.
മ​രു​ന്ന് ​വി​ത​ര​ണം​ ​അ​ടി​യ​ന്ത​ര​മാ​യി​ ​പു​ന​രാ​രം​ഭി​ക്കു​ന്നി​ല്ലെ​ങ്കി​ൽ​ ​അ​നി​ശ്ചി​ത​കാ​ല​ ​സ​മ​ര​ത്തി​നു​ ​കോ​ൺ​ഗ്ര​സ് ​നേ​തൃ​ത്വം​ ​ന​ൽ​കു​മെ​ന്ന് ​അ​ദ്ദേ​ഹം​ ​പ​റ​ഞ്ഞു.​ ​ഡി.​സി.​സി​ ​ജ​ന.​ ​സെ​ക്ര​ട്ട​റി​ ​ദി​നേ​ശ് ​പെ​രു​മ​ണ്ണ​ ​അ​ദ്ധ്യ​ക്ഷ​ത​ ​വ​ഹി​ച്ചു.​ ​കെ.​പി.​സി.​സി​ ​മെ​മ്പ​ർ​മാ​രാ​യ​ ​കെ​ ​രാ​മ​ച​ന്ദ്ര​ൻ,​ ​അ​ഡ്വ.​കെ.​എം​ ​ഉ​മ​ർ,​ ​ഡി.​സി.​സി​ ​ഭാ​ര​വാ​ഹി​ക​ൾ​ ​ര​മേ​ശ് ​ന​മ്പി​യ​ത്ത്,​ ​വി​നോ​ദ് ​പ​ട​നി​ലം,​ ​പി​ ​കു​ഞ്ഞി​ ​മൊ​യ്തീ​ൻ,​ ​കോ​ർ​പ്പ​റേ​ഷ​ൻ​ ​പ്ര​തി​പ​ക്ഷ​ ​നേ​താ​വ് ​കെ.​സി​ ​ശോ​ഭി​ത,
തു​ട​ങ്ങി​യ​വ​ർ​ ​പ്ര​സം​ഗി​ച്ചു.​ ​ബ്ലോ​ക്ക് ​പ്ര​സി​ഡ​ന്റു​മാ​രാ​യ​ ​പി.​വി​ ​ബി​നീ​ഷ് ​കു​മാ​ർ​ ​സ്വാ​ഗ​ത​വും​ ​ര​വി​കു​മാ​ർ​ ​പ​നോ​ളി​ ​ന​ന്ദി​യും​ ​പ​റ​ഞ്ഞു.