പ്രേരക്മാർക്ക് മിനിമം വേതനം നൽകണം

തിരുവനന്തപുരം: തദ്ദേശ സ്ഥാപനങ്ങളിലേക്ക് പുനർവിന്യസിപ്പിക്കപ്പെട്ട പ്രേരക്മാരെ ജീവനക്കാരായി അംഗീകരിച്ച് മിനിമം വേതനം നൽകണമെന്ന് ഓൾ കേരള പ്രേരക് യൂണിയൻ സംസ്ഥാന സമര പ്രഖ്യാപന കൺവെൻഷൻ ആവശ്യപ്പെട്ടു. ഫെബ്രുവരി 6ന് നടത്തുന്ന സെക്രട്ടേറിയറ്റ് ധർണയുടെ ഭാഗമായാണ് കൺവെൻഷൻ സംഘടിപ്പിച്ചത്. എ.ഐ.ടി.യു.സി സംസ്ഥാന സെക്രട്ടറി അഡ്വ: ആർ.സജിലാൽ ഉദ്ഘാടനം ചെയ്തു.

ജില്ലാ പ്രസിഡന്റ് വി.ധർമ്മരാജ് അദ്ധ്യക്ഷത വഹിച്ചു. എ.കെ.പി.യു സംസ്ഥാന ജനറൽ സെക്രട്ടറി ജി.രാജീവ്, ജില്ലാ സെക്രട്ടറി ബിന്ദു.വി.എസ്, കസ്തൂരി ആർ.എസ്, എം.ആർ പ്രീത, ഷീലാലത, ടി.ബിന്ദു കെ.സി. ലതാകുമാരി എന്നിവർ സംസാരിച്ചു.