നവീൻ ബാബുവിന്റെ മരണകാരണം ദിവ്യ !, ദിവ്യയെ പാടേതള്ളി കണ്ണൂർ സി.പി.എം

കണ്ണൂർ: എ.ഡി.എം നവീൻ ബാബുവിന്റെ മരണത്തിനു കാരണം ഒടുവിൽ സി.പി.എമ്മിന് ബോദ്ധ്യമായി. ജില്ലാപഞ്ചായത്ത് പ്രസിഡന്റായിരുന്ന പി.പി ദിവ്യ യാത്രയയപ്പ് യോഗത്തിൽ നടത്തിയ പ്രസംഗമാണ് കാരണം. സി.പി.എം കണ്ണൂർ ജില്ല സെക്രട്ടറി എം.വി. ജയരാജൻ ഇക്കാര്യം ഇന്നലെ തുറന്നു സമ്മതിച്ചു. ഒളിഞ്ഞും തെളിഞ്ഞും ഇത്രയും നാൾ ദിവ്യയെ ന്യായീകരിക്കാനാണ് എം.വി.ജയരാജനടക്കമുള്ള സി.പി.എം ജില്ലാനേതൃത്വം ശ്രമിച്ചിരുന്നത്. സംസ്ഥാന നേതൃത്വം വ്യക്തമായ നിലപാട് വെളിപ്പെടുത്തിയതുമില്ല.

പാർട്ടി ജില്ലാസമ്മേളനത്തിൽ പ്രതിനിധികൾ കടുത്ത വിമർശനം ദിവ്യയ്ക്കെതിരെയും ജില്ലാ നേതൃത്വത്തിനെതിരെയും ഉയർത്തിയതോടെയാണ് നിലപാട് മാറ്റിയത്. ജില്ലാസമ്മേളന നടപടികൾ വിശദീകരിക്കാൻ കഴിഞ്ഞദിവസം നടത്തിയ വാർത്താസമ്മേളനത്തിലും ദിവ്യയെ കൈവിടാത്ത നിലപാടാണ് എം.വി. ജയരാജൻ സ്വീകരിച്ചിരുന്നത്.എന്നാൽ, ഇന്നലെ വാർത്താസമ്മേളനത്തിൽ ദിവ്യയെ പൂർണമായും തള്ളിപ്പറഞ്ഞു.

`എ.ഡി.എമ്മിന്റെ മരണത്തിനിടയാക്കിയത് ദിവ്യയുടെ പ്രസംഗത്തിലെ അവസാനത്തെ പരാമർശമാണ് എന്നത് സത്യമാണ്. അതിനാലാണ് ഞങ്ങൾ പറഞ്ഞത്, അത് തെറ്റാണെന്ന്. ആ കാഴ്ചപ്പാടാണ് അന്നും ഇന്നും ഞങ്ങൾക്കുള്ളത്. ദിവ്യയുടെ പേരിൽ എപ്പോഴാണോ ആക്ഷേപം ഉയർന്നുവന്നത്, അന്നുതന്നെയാണല്ലോ ജില്ല പഞ്ചായത്ത് പ്രസിഡന്റ് സ്ഥാനത്തുനിന്ന് ഒഴിവാക്കിയത്'-ജയരാജൻ വാർത്താ സമ്മേളനത്തിൽ നിലപാ‌ട് വ്യക്തമാക്കി.

സമ്മേളനത്തിൽ വിമർശനം ഉയരുമെന്ന് അറിവുണ്ടായിരുന്നതിനാൽ, പ്രവർത്തന റിപ്പോർട്ടിൽ ദിവ്യയെ കുറ്റപ്പെടുത്തിയിരുന്നു.

ദിവ്യ നടത്തിയത് ന്യായീകരിക്കാനാകാത്ത പരാമർശം എന്നാണ് റിപ്പോർട്ടിൽ ചൂണ്ടിക്കാട്ടിയിരുന്നത്.പാർട്ടി നവീൻ ബാബുവിന്റെ കുടുംബത്തോടൊപ്പമാണ് നിന്നത്. തുടക്കം മുതൽ പാർട്ടിയുടെ സ്റ്റാൻഡ് അതായിരുന്നു. അതുകൊണ്ടാണ് നവീൻ ബാബുവിന്റെ മൃതദേഹത്തോടൊപ്പം കാറിൽ പാർട്ടി നേതാക്കൾ പത്തനംതിട്ടയിലേക്ക് അനുഗമിച്ചതെന്നും എം.വി ജയരാജൻ റിപ്പോർട്ടിൽ പറഞ്ഞു.

എന്നാൽ, ദിവ്യയ്ക്ക് എതിരായ പാർട്ടി നടപടിയെ അവരുടെ നാടായ പാപ്പിനിശ്ശേരി ഏരിയയിലെയും മാടായി, തലശ്ശേരി ഏരിയയിലെയും പ്രതിനിധികൾ കുറ്റപ്പെടുത്തി.പാർട്ടി നടപടി മാദ്ധ്യമങ്ങളുടെ അജണ്ടയ്ക്ക് അനുസരിച്ചാണെന്നാണ് അവരുടെ ആക്ഷേപം. പത്തനംതിട്ട ജില്ലാ കമ്മിറ്റി സ്വീകരിച്ച നിലപാടിനെയും പാപ്പിനിശ്ശേരി ഏരിയയിലെ പ്രതിനിധികൾ കുറ്റപ്പെടുത്തി.എന്നാൽ,ദിവ്യയുടേത് ഔചിത്യമില്ലാത്ത പെരുമാറ്റമെന്ന വിമർശനത്തിനായിരുന്നു മുൻതൂക്കം.

ദി​വ്യ​യു​ടെ​ ​വി​വാ​ദ​ ​
പ​രാ​മ​ർ​ശം
ക​ണ്ണൂ​രി​ൽ​ ​ന​ട​ത്തി​യ​തു​പോ​ലെ​ ​ആ​യി​രി​ക്ക​രു​ത് ​ഇ​നി​ ​പോ​കു​ന്ന​ ​സ്ഥ​ല​ത്ത് ​ന​ട​ത്തേ​ണ്ട​ത്.​ ​ന​മ്മു​ടെ​ ​ചു​റ്റും​ ​ആ​ളു​ക​ളു​ണ്ട്.​ ​അ​വ​രെ​ ​കെ​യ​ർ​ ​ചെ​യ്യ​ണം.​സ​ർ​ക്കാ​ർ​ ​സ​ർ​വീ​സാ​ണ്.​ ​ഒ​രു​ ​നി​മി​ഷം​മ​തി​ ​സി​വി​ൽ​ ​ഡെ​ത്ത് ​സം​ഭ​വി​ക്കാ​ൻ.​ ​ആ​ ​നി​മി​ഷ​ത്തെ​ ​ഓ​ർ​ത്തു​കൊ​ണ്ട് ​ന​മ്മ​ളെ​ല്ലാം​ ​കൈ​യി​ൽ​ ​പേ​ന​ ​പി​ടി​ക്ക​ണം. ര​ണ്ടു​ദി​വ​സം​ ​കാ​ത്തി​രി​ക്ക​ണം.​ ​ഉ​പ​ഹാ​രം​ ​സ​മ​ർ​പ്പി​ക്കു​ന്ന​ ​ച​ട​ങ്ങി​ൽ​ ​ഞാ​ൻ​ ​ഉ​ണ്ടാ​ക​ണ​മെ​ന്ന് ​ആ​ഗ്ര​ഹി​ക്കു​ന്നി​ല്ല.​ ​അ​തി​നു​ള്ള​ ​കാ​ര​ണ​ങ്ങ​ൾ​ ​ര​ണ്ടു​ദി​വ​സം​ ​കൊ​ണ്ട് ​നി​ങ്ങ​ൾ​ ​അ​റി​യും.

എം.​വി​.ജ​യ​രാ​ജ​ൻ​
ര​ണ്ടു​ദി​വ​സം​ ​മു​മ്പ്
പ​റ​ഞ്ഞ​ത്

ദി​വ്യ​യ്ക്ക് ​തെ​റ്റ് ​സം​ഭ​വി​ച്ചി​ട്ടു​ണ്ടാ​കാം.​ ​അ​തി​ന്റെ​ ​പേ​രി​ൽ​ ​ഇ​ത്ര​യേ​റെ​ ​ആ​ക്ര​മി​ക്കേ​ണ്ടി​യി​രു​ന്നി​ല്ല.​ ​കൈ​ക്കൂ​ലി​ ​കൊ​ടു​ത്തു​ ​എ​ന്ന​ ​കാ​ര്യ​ത്തി​ൽ​ ​പ്ര​ശാ​ന്ത​ൻ​ ​ഉ​റ​ച്ചു​നി​ൽ​ക്കു​ന്നു.​ ​കൈ​ക്കൂ​ലി​ ​വാ​ങ്ങി​യി​ട്ടു​ണ്ടെ​ങ്കി​ൽ​ ​അ​ത് ​ആ​ർ​ക്കാ​ണ് ​കൊ​ടു​ത്ത​തെ​ന്നു​ ​ക​ണ്ടെ​ത്ത​ണം​.

ഇന്നലെ തി​രുത്തി​പ്പറഞ്ഞത്

ന​വീ​ൻ​ ​ബാ​ബു​വി​ന്റെ​ ​മ​ര​ണ​വു​മാ​യി​ ​ബ​ന്ധ​പ്പെ​ട്ട് ​മാ​ദ്ധ്യ​മങ്ങ​ളോ​ട് ​സം​സാ​രി​ച്ച​തി​ലെ​ ​വാ​ക്കു​ക​ൾ​ ​അ​ട​ർ​ത്തി​യെ​ടു​ത്ത് ​തെ​റ്റാ​യി​ ​വ്യാ​ഖ്യാ​നി​ച്ചു.​ ​പി.​പി.​ ​ദി​വ്യ​ക്കെ​തി​രാ​യ​ ​ആ​രോ​പ​ണ​ത്തെ​ ​തു​ട​ർ​ന്ന് ​കേ​സെ​ടു​ത്തി​ട്ടു​ണ്ട്.​ ​അ​തി​നാ​ൽ​ ​പാ​ർ​ട്ടി​ ​ന​ട​പ​ടി​ ​എ​ടു​ത്തു​ ​എ​ന്നാ​ണ് ​പ​റ​ഞ്ഞ​ത്".

-​ ​എം.​വി.​ ​ജ​യ​രാ​ജ​ൻ,​ ​സി.​പി.​എം.​ ​
ക​ണ്ണൂ​ർ​ ​ജി​ല്ലാ​ ​സെ​ക്ര​ട്ട​റി