ചുരിദാര്‍ ധരിച്ച് സാധാരണ സ്ത്രീയെ പോലെ വന്നിറങ്ങി, വാങ്ങിക്കൊണ്ട് പോയത് 24 ലക്ഷത്തിന്റെ മുതല്‍

ചെന്നൈ: പല മേഖലകളിലും ഇന്ന് പുരുഷന്‍മാര്‍ക്കൊപ്പമോ അവരേക്കാള്‍ ഒരുപടി മുകളിലോ ആണ് നിരവധി സ്ത്രീകള്‍. ഒരുകാലത്ത് ആണുങ്ങളുടേതായി മുദ്രകുത്തപ്പെട്ടിരുന്ന പല മേഖലകളിലും ഇന്ന് പെണ്‍കരുത്തിന്റെ സാന്നിദ്ധ്യം പ്രകടമാണ്. അത്തരമൊരു സംഭവമാണ് തമിഴ്‌നാടിന്റെ തലസ്ഥാനമായ ചെന്നൈയില്‍ അരങ്ങേറിയത്. സാധാരണയായി മോട്ടോര്‍ ബൈക്ക് പ്രിയം ആണുങ്ങള്‍ക്കാണ്. ആഡംബര സൂപ്പര്‍ ബൈക്കുകള്‍ ഇഷ്ടപ്പെടുകയും അത് സ്വന്തമാക്കുകയും ചെയ്യുന്ന സ്ത്രീകളുടെ എണ്ണം വളരെ കുറവാണ്.

എന്നാല്‍ ചെന്നൈയില്‍ സംഭവിച്ച കാര്യം ഇതിന് നേരെ വിപരീതമാണ്. പലരുടേയും സ്വപനമായ ബിഎംഡബ്ല്യു കമ്പനിയുടെ ആഡംബര ബൈക്ക് സ്വന്തമാക്കിയിരിക്കുകയാണ് ചെന്നൈയിലെ ഒരു ലേഡി റൈഡര്‍. ഞ 1300 ഏട എന്ന ആഡംബര ബൈക്ക് സ്വന്തമാക്കിയിരിക്കുകയാണ് യുവതി. ബിഎംഡബ്ല്യുവിന്റെ അത്യാഡംബര കാറായ 3 സീരീസില്‍ വന്നിറങ്ങിയാണ് സൂപ്പര്‍ ബൈക്ക് വാങ്ങിയത്. കാറില്‍ ഒരു ചുരിദാര്‍ ധരിച്ച് സാധാരണ സ്ത്രീകളെ പോലെ വന്നിറങ്ങിയാണ് അവര്‍ ബൈക്ക് വാങ്ങി മടങ്ങിയത്.

ബിഎംഡബ്ല്യു കമ്പനിയുടെ ഈ സൂപ്പര്‍ ബൈക്കിന്റെ ചെന്നൈയിലെ എക്‌സ് ഷോറൂം വില 21 ലക്ഷം രൂപയാണ്. ടാക്‌സ്, ഇന്‍ഷുറന്‍സ് എന്നിവ ഉള്‍പ്പെടെയുള്ള ഓണ്‍റോഡ് വിലയാകട്ടെ 24 ലക്ഷം കടക്കും. KUN ബിഎംഡബ്ല്യു മോട്ടോറാഡ് എന്ന ഡീലര്‍ഷിപ്പാണ് ഇത്തരത്തില്‍ അപൂര്‍വമായൊരു ഡെലിവറി വീഡിയോ ഇന്‍സ്റ്റഗ്രാമിലൂടെ പങ്കുവെച്ചിരിക്കുന്നത്. ഉപഭോക്താവിന്റെ പേര് വന്ദന എന്നാണ് വീഡിയോയുടെ അടിക്കുറിപ്പില്‍ പരാമര്‍ശിച്ചിരിക്കുന്നത്.

കാറില്‍ വന്നിറങ്ങി ബൈക്കുമായി മടങ്ങുന്ന യുവതിയുടെ ഇന്‍സ്റ്റഗ്രാം വീഡിയോ ഡീലര്‍ഷിപ്പിന്റെ ഒദ്യോഗിക പേജില്‍ പങ്കുവച്ചിട്ടുണ്ട്. വാഹനം വാങ്ങിയ ആളെക്കുറിച്ച് വീഡിയോയില്‍ പറയുന്നതല്ലാതെ മറ്റ് വിവരങ്ങളൊന്നും ലഭ്യമല്ല.