സ്വർണ്ണ മലക്കൊടി ദർശനം

കോന്നി : കുംഭ മാസ പിറവിയോട് അനുബന്ധിച്ച് കോന്നി കല്ലേലി ഊരാളി അപ്പൂപ്പൻ കാവിൽ നിലവറയിലെ 999 സ്വർണ്ണ മലക്കൊടി ദർശനത്തിനായി തുറന്ന് നൽകി. മലയാള മാസം ഒന്നാം തീയതിയും ഉത്സവ വിശേഷാൽ നാളിലും മാത്രമാണ് സ്വർണ്ണ മലക്കൊടിയുടെ ദർശനം ഉള്ളത്. രാവിലെ 5ന് നവാഭിഷേക പൂജയ്ക്ക് ശേഷം മലക്കൊടിയുടെ നിലവറ തുറന്ന് മല വിഭവങ്ങളും, വറപ്പൊടിയും തെണ്ടും തെരളിയും കരിക്കും കലശവും സമർപ്പിച്ചു ഊട്ട് പൂജ നൽകി. ഭക്തർക്ക് ദർശനത്തിന് വേണ്ടി പൂജകൾ അർപ്പിച്ചു. 41 തൃപ്പടി പൂജയ്ക്കും ദീപ നമസ്കാരത്തിന് ശേഷം നിലവറ അടച്ചു.