ജനറൽ ബോഡി

പത്തനംതിട്ട : പൊതു വിദ്യാഭ്യാസത്തിനും പൊതുജനാരോഗ്യത്തിനും നൽകുന്ന പ്രാധാന്യം പൊതുഗതാഗതത്തിന് നൽകി കെ.എസ്.ആർ.ടി.സിയെ സർക്കാർ വകുപ്പാക്കി സംരക്ഷിക്കണമെന്ന് കേരളാ സ്റ്റേറ്റ് ട്രാൻസ്‌പോർട്ട് എംപ്ലോയീസ് സംഘ് ബി.എം.എസ് സംസ്ഥാന ഡെപ്യൂട്ടി ജനറൽ സെക്രട്ടറി പ്രദീപ് വി. നായർ ആവശ്യപ്പെട്ടു. കെ.എസ്.ടി.ഇ.എസ് ബി.എം.എസ് ജില്ലാ ജനറൽ ബോഡി ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ വർക്കിംഗ് പ്രസിഡന്റ് എം.കെ പ്രമോദ് അദ്ധ്യക്ഷത വഹിച്ചു. സംസ്ഥാന വൈസ് പ്രസിഡന്റ് കെ.എൽ യമുനാദേവി, സിമി എസ്. നായർ, ജി. മനോജ്, ആർ. വിനോദ് കുമാർ, ഇ.ജി. രാജശ്രീ എന്നിവർ സംസാരിച്ചു.