സ്കൂൾ കെട്ടിടം നിർമ്മാണോദ്ഘാടനം

വാമനപുരം:വാമനപുരം ഗ്രാമ പഞ്ചായത്തിലെ ആനച്ചൽ ഗവ.യു.പി സ്‌കൂളിനായി ഒരു കോടി രൂപ ചെലവിൽ ആധുനിക രീതിയിൽ നിർമ്മിക്കുന്ന സ്‌കൂൾ കെട്ടിടത്തിന്റെ നിർമ്മാണോദ്ഘാടനം ഡി.കെ മുരളി എം.എൽ എ നിർവഹിച്ചു.പൊതു വിദ്യാഭ്യാസ പ്ലാൻ ഫണ്ടിൽ നിന്നാണ് തുക അനുവദിച്ചിട്ടുള്ളത്.വാമനപുരം ഗ്രാമ പഞ്ചായത്ത് പ്രസിഡന്റ് ജി.ഒ.ശ്രീവിദ്യ അദ്ധ്യക്ഷത വഹിച്ചു.പഞ്ചായത്ത് വൈസ് പ്രസിഡന്റ് എസ്.കെ.ലെനിൻ,സുനൈത സലിം, ബി.സന്ധ്യ,ആർ.രഞ്ജി,ഷീജ രാമചന്ദ്രൻ,സജീം, ബി.പി.സി ബൈജു എസ്,ഹെഡ്മാസ്റ്റർ വി. സന്തോഷ് തുടങ്ങിയവർ പങ്കെടുത്തു.