റോഡ് നവീകരണോദ്ഘാടനം

ആറ്റിങ്ങൽ: പൊലീസ് സ്റ്റേഷൻ - കരിച്ചീൽ റോഡ് നവീകരിച്ചതിന്റെയും പൊലീസ് സ്റ്റേഷന് മുന്നിൽ സ്ഥാപിച്ച ഹൈമാസ്റ്റ് ലൈറ്റിന്റെയും ഉദ്ഘാടനം ഒ.എസ് അംബിക എം.എൽ.എ നിർവഹിച്ചു. എം.എൽ.എയുടെ ആസ്തി വികസന ഫണ്ടിൽ നിന്നും 44.5 ലക്ഷം രൂപ ചെലവഴിച്ചാണ് റോഡ് നവീകരിച്ചത്. 4,80,000 രൂപയാണ് ഹൈമാസ്റ്റ് ലൈറ്റിന് ചെലവഴിച്ചത്. നഗരസഭ ചെയർപേഴ്സൺ അഡ്വ.കുമാരി അദ്ധ്യക്ഷത വഹിച്ചു. വൈസ് ചെയർമാൻ ജി.തുളസീധരൻപിള്ള,നഗരസഭ സ്റ്റാൻഡിംഗ് കമ്മിറ്റി അംഗങ്ങളായ എ.നജാം,രമ്യാ സുധിർ,ഗിരിജ,കൗൺസിലർ ആർ.രാജു,സി.പി.എം ഏരിയാ സെക്രട്ടറി എം.പ്രദീപ് തുടങ്ങിയവർ പങ്കെടുത്തു.