അടയിരുന്ന മൂർഖനെയും മുട്ടകളും കണ്ടെത്തി

കോതമംഗലം: ഭൂമിക്കടിയിലെ മാളത്തിൽ അടയിരിക്കുകയായിരുന്ന മൂർഖൻ പാമ്പിനെയും മുട്ടകളെയും കണ്ടെത്തി. ചേലാട് കൊട്ടിശേരിക്കുടി കുര്യന്റെ വീടിന് സമീപത്താണ് മൂർഖൻ അടയിരുന്നത്. സ്നേക്ക് റസ്ക്യൂവർ മാർട്ടിൻ മേക്കമാലി വനപാലകരുടെ സഹായത്തോടെ മണിക്കൂറുകൾ പരിശ്രമിച്ചാണ് പാമ്പിനെയും മുട്ടകളെയും പുറത്തെടുത്തത്. ഇതിനായി വലിയൊരു ഭാഗത്തെ മണ്ണ് നീക്കേണ്ടിവന്നു. ദൗത്യത്തിനിടെ പല തവണ മൂർഖൻ മാർട്ടിന് നേരെ ചാടിവീണിരുന്നു. മൂർഖനെയും മുട്ടകളെയും വനപാലകർ സംരക്ഷണ കേന്ദ്രത്തിലേക്ക് മാറ്റി.